ئـەوا د 30 سـالیێ دا دخـۆی، د 50 سـالیێ دا دێ دیـار بیت
دگەل وێ چەندێ کو گەلەک کەس هزردکەن خراببوونا رەوشا ساخلەمیێ پەیوەندی ب عەمری ڤە هەیە، بەلێ پسپۆرێن خوارنێ روون دک کو ئەو تشتێ د گەنجاتیێدا دخۆی، رەوشا تە یا ساخلەمیێ د 50 سالیێدا دیاردکەت.
ل دویڤ رۆژنامەیا HuffPost یا ئیسپانی، “ئانا لوزۆن” پسپۆرا خوارنێ، وێ هزرێ رەتدکەت کو دبێژیت “نوکە دێ هەموو تشتەکی خۆم و پاشان دێ چارەسەر کەم”. ئەو پێشبینی دکەت کو ئەو تشتێ د ٤٠ و ٥٠ سالیێدا ب سەر لەشێ تە دا دهێت، ئەنجامێ وان خوارنانە یێن کو تە د ٢٠ و ٣٠ سالیێدا خوارین.
ئەڤ پسپۆرە جەختێ ل سەر وێ چەندێ دکەت، ئەو کەسێن د عەمرەکێ گەنجدا خوارنێن نەساخلەم دخۆن، تووشی کێشەیێن مێتابۆلیزمێ (سۆتنا خوارنێ) و زێدەبوونا کێشەیێ دبن، و د پاشەرۆژێدا وزەیا لەشێ وان کێم دبیت. بەروڤاژی، ئەو کەسێن خوارنا ساخلەم دخۆن، کێمتر رووبڕووی کێشەیێن ساخلەمیێ دبن.
لوزۆن د پشکەکا دی یا ئاخفتنا خۆدا دیارکر کو تێکچوونا ساخلەمیێ ل دەمێ مەزنبوونا عەمری، پەیوەندی ب تنێ ب ئێک جۆرێ خوارنێ ڤە نینە، بەلکو پەیوەندی ب شێوازێ ژیانێ ڤە هەیە؛ کو نڤستن، خوارن، فشارا دەروونی، و چالاکیا جەستەیی ژی بخۆڤە دگریت. هەموو ئەڤ ئەگەرە بڕیارێ ددەن کا دێ لەشێ تە د پاشەرۆژێدا چاوا بیت.
ل دووماهییێ، وێ نۆشدارێ روونکریە کو هۆشیاربوون د خوارنێدا ئانکو “شاهانەیی” ژیانێ نینە، بەلکو پێنگاڤەکا پێدڤی یە داکو د پاشەرۆژێدا خۆ ژ نەخۆشیێن دۆمدرێژ بپارێزی.
