ئه‌فۆریزم: موئه‌یه‌د ته‌ییب
هه‌لبژارتن: عارف حیتۆ
[3]
ئه‌گه‌ر كه‌و كه‌هی بووینه، ئه‌و چ ڕكن؟
*
پیرهه‌ڤییا هه‌می ڕێكێن مه یێن بڕین،
كێلبا ل گۆشتێ مه كێلانه..
*
تاری شه‌ڤا ئه‌هره‌مه‌نی دێ مریت و
گوڕی و چاڤێن زه‌ره‌ده‌شتی ناڤه‌مرن..
*
خوه‌زی تو هه‌ر
تاڤییه‌كا بارانا بوهاری بای
نه ئه‌ڤ گۆما ئاڤ گه‌نی بای!
*
ئه‌ی كوبارتر ژ جامه‌كا د لێڤا را مه‌ی
ژ كیڤه دهێت، ئه‌ڤ هێز و هه‌یبه‌تا ته هه‌ی؟!
*
چیا، زارۆكێن عه‌ردینه
ژ دۆزه‌خا مال ره‌ڤیایی…
*
نه ئه‌رد من ناس دكه‌ت، نه ئاسمان
نه مرنێ ئه‌ز دڤێم، نه ژیان.
*
هێشتا راستی دیله و دره‌و زیندان؟
*
حه‌زكر چویچكه‌ك با
لێ ترسیا، شاهینه‌ك وی بگریت!
*
سترانه‌كێ بێژه بۆ برینا خوه
بلا برینا ته..
زێمارێ نه‌كه‌ت ل سه‌ر گۆڕێ ته.
*
ئه‌گه‌ر ئه‌ز، هه‌می رۆژێن خوه
ژ غه‌ریبیێ ڤێده‌م
دێ وه‌لاته‌كی ژێ چێ كه‌م.
*
من تو نه دیتییه، لێ وێنه‌یێ ته
ب هه‌می رۆندكێن دایكا من ڤه بوو.
*
كی ب پێخاسی دچیته دیدارا یارا خوه؟
*
