ئیران: نیازا ئەمریکا یا باش نینە
عەباس ئیراقچی وەزیرێ دەرڤە یێ ئیرانێ سەبارەت ب گەرەکا دی یا دانوستاندنان ل پاکستانێ بۆ دەزگەهێن راگەهاندنا ئیرانێ دیار کر، ئیران ل دژی دانوستاندنان نینە و ئیرانێ دڤێت ب رێیا دانوستاندنان پرسێن هەی بهێنە چارەسەرکرن، لێ نیەتا ئەمریکا یا باش نینە و هەلوەستێ ترامپی ژی هەردەم جهێ گومانێ یە، چونکی هەر جارێ ترامپ تشتەکێ دبێژیت و ئەو یەک ژی بوویە ئاریشەیەکا گەلەک مەزن.
وەزیرێ دەرڤە یێ ئیرانێ ئەو یەک ژی دیار کر، دەستەسەرکرنا گەمیەکا ئیرانێ ژ ئالیێ هێزێن ئەمریکا ڤە نیشا ددەت کو ئەمریکا نەڤێت ب رێیا دانوستاندنان پرسێن هەی چارەسەر بکەت، بەلکو ئەمریکا دڤێت بابەتێ دانوستاندنان ژی ب رەنگەکێ جودا بۆ بەرژەوەندیێن خوە بکار بینیت و ئەو یەک ژی ب رەنگەکێ ئاشکرا نیشا ددەت کو نیەتا ئەمریکا یا خرابە و ژ بەر ڤێ یەکێ ژی باوەریا ئیرانێ ب ئەمریکا ب تایبەتی ژی ب ترامپی نینە.
