ئەڤرۆ دێ خولا نایابا كوردستانێ ب دووماهی هێت
چاڤەڕێ دهێتە كرن ئەڤرۆ هەڤڕكیێن گەڕا 22ێ ژ خولا پلا نایابا كوردستانێ یا فوتبۆلێ ب ئەنجامدانا شەش یاریێن دووماهییا ڤی وەرزی بهێنە كرن و هەردو یانەیێن زاخۆ و ئاكرێ ب فەرمی پەرێ ل سەر خولێ بدانن، ئەوا ل دەستپێكا چریا دو یا سالا 2025ێ هاتیە كرن.
زاخۆ دێ هێتە خەلاتكرن
بڕیارە ئەڤرۆ تیما یانەیا زاخۆ وەكو خودانا ڕێزا دویێ یا خولێ ژلایێ فدراسیۆنا فوتبۆلا كوردستانێ بهێتە خەلاتكرن، پشتی ب دووماهی هاتنا یارییا تیما وان بەرانبەر خودانێن ئەردی یانەیا ئاكرێ، زاخۆ ل ڕێزا دویێ هاتیە ب كۆمكرنا 36 خالان، ئاكرێ ل ڕێزا سێیێ دهێت ب 33 خالان، ئەوا یانەیا هندرین بۆ جارا دویێ د دیرۆكا خوە دا بوویە قارەمانا خولێ پشتی 45 خال كۆمكرین.
ژلایەكێ دووڤە یاریێن ئەڤرۆ بڤی شێوەی نە، چوارقوڕنە- هندرین، پیشەسازی- شێروانە، ڕزگاری- پێشمەرگەیا هەولێر، ڕانیە- قەلادزێ، دەربەندیخان- سیروانی نوو.
بۆ زانین یانەیا دەربەندیخان ب فەرمی پاشڤەچوویە پلا ئێكا كوردستانێ و بڕیار ئەڤرۆ تیما دویێ بۆ پلا ئێكێ دناڤبەرا پیشەسازی خودانا 20 خالان و قەلادز خودانا 22 خالان ئێكلابیت.
