بجووكترین دادڤان د خولا ستێرێن ئیراقێ دا سێمێلی یه
تاهر رێكانی
د داخۆیانیهكێ دا كورێ باژێرێ سێمێلێ ئهدههم عیسا دیاركر بۆ ماوهیێ چار سالێن بۆری یاریێن خولا ستێرێن ئیراقێ وهكو دادڤانێ هاریكار ب رێڤهدبهت و بۆ وهرزێ نوو دێ بیتە دادڤانێ سهرهكی، پشتی د تاقیكرنێن تیوری و پراكتیكی دا سهركهفتیی و وەکو ئێک ژ بجووکترین دادڤانان دهێتە نیاسین.
زێدەتر ناڤهاتی گۆت: ههتا نوكه پتری 30 یاریێن خولا ئیراقێ ب رێڤهبرینه، ئێكهم جار ل سالا 2022ێ بوو یاریا د ناڤبهرا كهرخ و نهفت میسان دا بوو و دووماهی یاری ل وهرزێ بۆری ل یاریگهها دهۆكێ دناڤبهرا مووسل و ئەلقاسم دابوو، ئەز بجووكترین دادڤانم د خولێ دا ژیێ من 25 ساله، پشتی ماندیبوونهكا دژوار و رۆژانه راهێنانێن هێزێ و شیانێن جهستهی دكهم ههر وهسان بهردهوام دۆڤچوونا یاریێن جیهانی و زێدهباری یاسایێن نوو یێن فتبۆلێ كو سالانه گوهۆڕین بسهردا دهێن، دیسان دۆیفچوونا شاشیێن دادڤانان دكهم ئهڤه ههمی بۆنه ئهگهر كو د ئهزموونێن تیوری و پراكتیكێ دا بسهركهڤم، کەیفخوەشم کو هیڤییا من بجهـ هات وهكو دادڤانێ سهرهكی بۆ وەرزێ نوو یێ خولێ بڕێڤەبەم.
بۆ زانین ئهدههم عیسا بۆ ماوهیێ پێنج سالانه ل گهل محمد تاها دادڤانهكێ دی یێ ناڤهراست خەلکێ رۆڤیایە نوونهراتیا پارێزگهها دهۆكێ دكهت، چەندین یاریێن یانەیێن جهماوهری ب رێڤهبرینە وهكۆ یێن شورته، زهورا، ههولێر و نهورۆز دیسان چهند یاریێن كۆپا ئیراقێ ژی ب ڕێڤەبرینە.
لدووماهیێ دادڤان ئهدههم عیسا دخوازیت كو هیڤی و خهونا من ئهوه ببمه دادڤانێ دهولهتی و ناڤێ كوردستانێ و ئیراقێ بلند بكهم، بێ گۆمان ئهڤه ژی دێ هێته بجهئینان ئهگهر لایهنێن پهیوهندیدار پالپشت و پشتهڤانێن مه بن.
