بەرپرسـێن ئیرانـێ نەوێرن چو بڕیاران بدەن
بەرپرسەکێ وەزارەتا دەرڤە یا ئەمریکا بۆ رۆژنامەیا واشنتۆن پۆست یا وی وەلاتی دیار کریە کو گەلەک کەسێن توندرەو د ناڤ سوپایێ پاسداران دا گەفان ل بەرپرسێن دەولەتا ئیرانێ دکەن و ئاستەنگان بۆ رێککەفتنێ دروست دکەن، ژ بەر ڤێ یەکێ ژی پشتی ئیرانێ بۆ دەمەکێ دەرتەنگا هۆرمزێ ڤەکری ژ بەر گەفێن وان کەسان جارەکا دی دەرتەنگا هۆرمزێ هاتە دائێخستن.
هەمان بەرپرسی ئەو یەک ژی دیار کریە، دەمێ شاندێ ئیرانێ چوونە پاکستانێ ل وێرێ ژی د ناڤ خوە دا ناکۆک بوون، هندەک ژ ئەندامێن شاندێ ب تایبەتی ژی وەزیرێ دەرڤە یێ ئیرانێ عەباس ئیراقچی ل گەل هندێ بوو رێککەفتن بهێتە ئیمزا کرن، لێ هندەک ژ کەسێن توندرەو کو د ناڤ شاندێ ئیرانێ دا بوون ئالۆزی دروست کرن و ژ بەر ڤێ یەکێ ژی پشتی ٢١ دەمژمێران ژ دانوستاندنان ل پاکستانێ چو رێککەفتن نەهاتنە کرن و نها ژی کەسێن توندرەو ل ئیرانێ ئاستەنگان دروست دکەن.
