ب شێوازەكێ نوو ئەڤرۆ دەست ب یارییێن ب هێز یێن قارەمانییا نەتەوەیێن ئۆرۆپایێ دێ هێتە كرن
جەماوەرێ وەرزش یێ یارییا فوتبۆلێ ل سەر ئاستێ جیهانێ ب ژڤانن بۆ دیتنا كۆمەكا یاریێن ئاگرین ژ هەڤڕكیێن گەڕا ئێكێ و دەستپێكرنا قارەمانییا نەتەوەیێن ئۆرۆپانە ئەوا بوو جارا ئێكێ یە ب سیستەمەكێ نوو كو دێ هێتە هژمارتن درێژترین كاروانێ هەڤڕكیان ل ئۆرۆپا هێتە كرن.
یاریێن گەڕا ئێكێ- ئەڤرۆ.
هەموو یاری ل دەمژمێر 9:45 شەڤ هێنە كرن، بۆ زانین یارییێن ڤی ئاستی هەتا 17ێ چرییا دویێ یا بهێت بشێوەیێ هاتن و چوون بەردەوامبن
ئاستێ ئێكێ -كۆما دویێ، هۆلەندا- ئەلمانیا.
ئاستێ ئێكێ- كۆما چارێ، پۆرتۆگال- وێلز.
ئاستێ ئێكێ- كۆما چارێ، نەرویج- دانیمارك.
ئاستێ ئێكێ- كۆما چاری دویێ، سربیا- یونانستان.
ئاستێ دویێ- كۆما سێیێ، نەمسا-ئسرائیل.
ئاستێ چارێ-كۆما ئێكێ، ئەندۆرا- مالتا.
ئاستێ چارێ-كۆما دویێ، لیختشتاین- لیتوانیا.
یاریێن سوبەهی رۆژا ئەینی
ئاستێ ئێكێ- كۆما ئێكێ، ئیتالیا- بەلجیكا.
ئاستێ ئێكێ- كۆما ئێكێ، توركیا- فرەنسا.
ئاستێ دویێ- كۆما دویێ، جورجیا- ئیرلەندا باكۆر.
ئاستێ سێیێ- كۆما دویێ، ئەرمینیا- لاتیفیا.
یاریێن رۆژا شەمبی 26-9-2026
ئاستێ ئێكێ-كۆما سێیێ، ئنگلتەرا- ئسپانیا.
ئاستێ ئێكێ- كۆما سێیێ، چیك- كرواتیا.
ئاستێ دویێ-كۆما ئێكێ، سلۆڤینیا- ئسكوتلەندا
ئاستێ سێیێ-كۆما ئێكێ، سان مارینۆ- فنلەندا.
ئاستێ سێیێ كۆما ئێكێ، ئەلبانیا- بیلارۆسیا
یاریێن رۆژا ئێكشەمبی 27-9-2026
ئاستێ ئێكێ- كۆما چارێ، نەرویج- پۆرتۆگال
ئاستێ ئێكێ-كۆما دویێ، ئەلمانیا- یونانستان.
شێوازێ قارەمانیێ چەوایە
د وەرزێ ئەڤ سالە دا قارەمانی ب پشكدارییا 54 هەلبژارتیانە ل سەر چار ئاستان هاتینە بەلاڤكرن، هەر ئاستەكی ژی چار كۆمە، هەر كۆمەكێ چار هەلبژارتینە، بتنێ ئاستێ چارێ دو كۆمن و هەر كۆمەكێ سێ هەلبژارتینە كو هژمارا وان دگەهنە 54 هەلبژارتی، دەستپێكێ یاریێن ئاستێ ئێكی دێ هێنە كرن ئەوا دێ ب شێوەیێ هاتن و چوون دێ هێنە كرن، سەركەفتیێن ئێكێ و دویێ یێن هەر كۆمەكێ دێ دەربازبنە قووناغا دویێ یا قارەمانیێ ئەوا دێ ل ئادارا سالا 2027ێ هێتە كرن.
ئاستێ ئێكێ
16 هەلبژارتی د ڤێ ئاستی دانە و هاتینە بەلاڤكرن ل سەر چار كۆمان-ئەڤ ئاستە پشكدارییا هەلبژارتیێن بهێزن- هاتینە بەلاڤكرن ل سەر چار كۆمان، ئێكەم و دوەمێن هەر كۆمەكێ دێ دەربازبنە قووناغا دویێ، هەلبژارتیێ ڕێزا سێیێ دهێت دێ یاریێ بەرانبەر هەلبژارتیێ ڕێزا دویێ یا ئاستێ دویێ كەت.
هەلبژارتیێن ڤێ ئاستی
كۆما ئێكێ: فرەنسا، ئیتالیا، بەلجیكا، توركیا.
كۆما دویێ: ئەلمانیا، هولەندا، سربیا، یونانستان.
كۆما سێیێ: ئسپانیا، كرواتیا، ئنگلتەرا، چیك.
كۆما چارێ: پۆرتۆگال، دانیمارك، نەرویج، وێلز
سیستەمێ پلەی ئۆف – ئاستێ دویێ
16 هەلبژارتیێن د ئاستێ دویێ دانە، خودانێن ڕێزێن ئێكێ یێن هەر چار كۆما ئێكسەر دەربازبنە قووناغا دویێ، یێن دویێ دێ یاریێن پاشكۆ بەرانبەر خودانێن ڕێزێن سێیێ یێن ئاستێ ئێكێ كەن، سەركەفتیێ وان بۆ قووناغا دویێ دەربازبن.
هەلبژارتیێن ڤی ئاستی
كۆما ئێكێ: ئسكوتلەندا، سویسرا، سلۆڤینیا، باكۆرێ مەقەدۆنیا.
كۆما دویێ: هنگاریا، ئوكرانیا، جورجیا، ئیرلندا باكۆر.
كۆما سێیێ: ئیسرائیل، نەمسا، ئیرلەندا، كۆسۆفۆ.
كۆما چارێ: پۆلەندا، بوسنەوهێرسك، رۆمانیا، سوید. سیستەمێ پلەی ئوف- ئاستێ سێیێ
16 هەلبژارتی د ڤی ئاستی دانە و هاتینە بەلاڤكرن ل سەر چار كۆمان، خودانێن ڕێزێن ئێكێ دێ یاریێ ل گەل خودانێن ڕێزێن سێیێ یا ئاستێ دویێ كەن، خودانێن ڕێزێن سێیێ و چارێ چو هیڤی نامینن بۆ هەڤڕكییا ئاستەكێ باشتر.
هەلبژارتیێن ڤی ئاستی
كۆما ئێكێ: ئەلبانیا، فینلەندا، بیلارۆسیا، سان مارینۆ
كۆما دویێ: مۆنتێنێگرۆ، ئەرمینیا، قوبرس، لاتیڤیا.
كۆما سێیێ: كازاخستان، سلۆڤاكیا، گزیرتا فارۆ، مۆلدۆفا.
كۆما چارێ: ئایسلەندا، بلگاریا، ئستۆنیا، لۆكسمبۆرگ.
سیستەمێ پلەی ئۆف- ئاستێ چارێ
ئەڤ ئاستە دهێتە هژمارتن لاوازترین هەلبژارتی د قارەمانیێ دا كو دگەهنە شەش تیمان و هاتینە بەلاڤكرن ل سەر دو كۆمان، سەركەڤتیێن هەردو كۆمان دێ یاریێ بەرانبەر خودانێن ڕێزێن سێیێ یا ئاستێ سێیێ كەن د پاشكۆ دا ژبۆ پەیداكرنا دەلیڤەیەكا دەربازبوونا ئێكسەر بۆ قووناغا دویێ، هەلبژارتیێن مایی یێن ڤی ئاستی بتنێ بۆ ڕێزبەندیێ یە و هیچ هەلبژارتیەك نەشێت دەربازبیتە ئاستێ باشتر.
هەلبژارتیێن د ڤێ ئاستی دا
كۆما ئێكێ: جەبەل ئەلتارق، مالتا، ئەندۆرا.
كۆما دویێ: لیتوانیا، ئازەربێجان، لیخشتاین.
مەرەم ب ڤێ سیستەمی چییە؟
هەرچەندە فدراسیۆنا فوتبۆلا ئۆرۆپا ل 2018ێ ئەڤ سیستەمە پەسەندكر بوو لێ بۆ وەرزێ 2026-2027 گوهۆڕین ئێخستنە د شێوازێ بڕێڤەچوونا قارەمانیێ دا و مەرەم ژی ب چەند خالەكێن دیار هاتینە دانان و بڤی شێوەیی.
1- بەرهنگاربوونا یاریێن هەڤالینی
ژ ئەگەرێن دانانا ڤی سیستەمی ئێدی پشتەڤان و یاریزان ل جهێ دیتنا یاریێن هەڤالینی یێن حەفتییا فیفایێ بێ زاربووینە و ئەڤ سیستەمە دانا ژبۆ جهكرنا ئەوان یارییان و پتر جەماوەر بەرهەڤبیت.
2- هەڤسەنگییەك دناڤبەرا هێزان دا
سیستەمێ نوو هەلبژارتی كرینە چار ئاست كو ئەڤچەندە دەلڤە دایە هەلبژارتیێن بهێز وەكو ئەلمانیا و فرەنسا بكەڤنە بەرانبەری ئێك، هەلبژارتیێن لاواز وەكو مالتا و سان مارینۆ بەرانبەرئیك یاریێ بكەن، هەروەسان دا چو ئەنجامێن مەزن دناڤبەرا تیمێن مەزن و بچووك دا روونەدەن .
3- دەلیڤەیەك بۆ قارەمانیێن مەزن
ئێك ژ مەرەمێن ڤێ سیستەمی دەبازبوونا ئێكسەرە ژ ڤاڤارتنان كو بۆ هەلبژارتیێن نەشیاین بڕێیا ڤاڤارتنێن ئاسایی دەربازبنە قارەمانیێ ژبەر سیستەمێ پێشتر.
4- زێدەكرنا داهاتیێ پارەیی و بازاركرنێ
گوهارتنا یارییچن هەڤالینی یێن نە پووتە پێدایی ب یاریێن فەرمی و هەڤڕكی دێ بیتە ئەگەر داهاتێ پارەیی و بازاركرنێ بڕییا پلێتان، مافێن ڤەگوهاستنا تلەفزیونا و سۆپنسەر زێدەكەت.
