ب گریڤە لیاوی خاترا خوە ژ میلانێ خواست
ستێرێ گەنج یێ پۆرتۆگالی رافائیێل لیاوو ب گریڤە خاترا خوە ژ یانەیا خوە ئەی سی میلان یا ئیتالی خواست پشتی حەفت سالێن یاریكرنێ ل گەل یانەیێ و ب شێوەیەكێ فەرمی گرێبەستا وی ل گەل یانەیا گالاتا سارایی ب كۆژمەیێ 45 ملیۆن یۆریان ئیمزاكر.
د داخویانیەكا خوە دا بۆ رۆژنامەیا تۆتۆ سپۆرت یا ئیتالی لیاووی ب گریڤە گۆت: ب زەحمەتە ژ یانەیەكێ بچم كو د ماوەیێ حەفت سالان دا باشترین سەرەدەری دگەل من هاتییە كرن، یاریگەها سان سیروو وەكو مالا من یا دویێ بوویە، من دیرۆكەكا جوان ل میلانو یا هەی، ئەڤێ یانەیێ گەلەك هاریكارییا من كر و ئاستێ من پێشڤەبر، پشتەڤانان هەردەم ڕێز لمن دگرتن، ئەڤە ژیانە رۆژەك دێ هەر ئاڤابوون هەبیت بۆ هەر كارەكی، هەتا دمرن دێ میلان دلێ من دابیت.
