تورکـیا سـەبارەت ب ناتـۆیێ هـۆشـداریێ ددەت
هاکان فیدان وەزیرێ دەرڤە یێ تورکیا دیار کر، ڤەکێشانا ئەمریکا ژ ناتۆیێ دێ بیتە ئەگەرێ کارەساتێن گەلەک مەزن بۆ وەلاتێن ئێکەتیا ئۆرۆپا و ژ بەر ڤێ یەکێ ژی دڤێت وەلاتێن ئێکەتیا ئۆرۆپا ئێدی د بیاڤێ سەربازی و ئێمناهیێ دا خوە بۆ قووناغەکا نوو بەرهەڤ بکەن و پشتبەستنێ ب ئەمریکا کێم بکەن، چونکی ئێدی ئەمریکا بەرهەڤ نینە وەکو جاران د بیاڤێن ئێمناهیێ دا هاریکاریا ئۆرۆپا بکەت و ئەو یەک دێ بیتە ئەگەرێ گوهۆڕینێن نوو ل ئۆرۆپا.
وەزیرێ دەرڤە یێ تورکیا ئەو یەک ژی دیار کریە، دڤێت وەلاتێن ئێکەتیا ئۆرۆپا ل گەل ئەمریکا دانوستاندنان بکەن و هەکە ئەمریکا هێزێن خوە ژ ئۆرۆپا ڤەکێشیت و هاریکاریێن سەربازی بدەتە راگرتن دێ ئاریشەیێن گەلەک مەزن بۆ ئۆرۆپا دروست بن و دڤێت وەلاتێن ئێکەتیا ئۆرۆپا د ناڤ هەماهەنگیەکا مەزن دا بن و تورکیا بەرهەڤە ب رۆلێ خوە رابیت و یا پێدڤی بۆ بهێزکرنا ناتۆیێ پێشکێش بکەت.
