جێب دێ دوباره ڤان دو شاهێن ئوفرۆدێ ئێخيته بازارى
کۆمپانیا جیپ (Jeep) یا ئەمریکی حەزژێکەرێن ترۆمبێلێن بھێز و سەرکێش دلخۆش کرن ب ڕاگەهاندنا زڤڕینا دو ژ بناڤودەنگترین و سەرکەفتیترین وەشانێن د مێژویا خۆ دا بۆ سەر مۆدێلێ گراند چێرۆکی (Grand Cherokee)، ئەڤ جۆرە ژی وەشانا سەرکێشیا چیایی Trailhawk و وەشانا لۆکس یا گەشتوگوزارێ Overlandـن.
بڕیارە فرۆتنا ئەڤان هەردو مۆدێلێن نوو بەری ئەڤ سالە (2026) ب دووماهى بهێت ل بازارێن ئەمریکا ب فەرمی دەستپێبکەت.
ئەڤ هەردو وەشانێن نوو د بن چەتر و کۆپیتکا هێزا میکانیکیدا د هەڤپشکن، بەلێ بۆ دو شێوازێن جودا یێن شۆفێریێ هاتینە چێکرن:
بزوێنەرەکێ نوو و پێشکەفتی (هەڤپشک د ناڤبەرا هەردویان دا):
جیپ بۆ ئەڤان هەردو مۆدێلان دەست ژ بزوێنەرێن كهڤن بەردایە و نووترین تەکنەلۆژیا خۆ بکارئینایە:
• بزوێنەرێ بهێز: بزوێنەرەکێ نوو یێ ٢.٠ لیتری یێ بەنزینێ تۆربۆ ژ جۆرێ بناڤودەنگ یێ Hurricane.
• هێز و گێڕ: ئەڤ بزوێنەرە هێزا ٣٢٩ هەسپان پەیدا دکەت و دگەل گێڕەکێ ئۆتۆماتیک یێ ههشت لهزاتیێ پێشکەفتی هاتیە بەستن.
وەشانا Trailhawk دڕندێ ڕێيێن دژوار:
ئەڤ وەشانە ب تایبەتی بۆ وان کەسان هاتیە دروستکرن یێن کو حەز ژ بڕینا چیا، دول و بیابانان دکەن:
• بلندبوونا ژ ئەردی: خودان بلنداهیەکا نایابە کو دگەهیتە ٢٩٠ ملیمەتران ژ عەردی پێخەمەت پاراستنا بنێ ترۆمبێلێ.
• سیستەمێ پالدەر (گێڕ): سیستەمێ چوار تایەر لڤین (4WD) دگەل گێڕێ گران (پۆلینکرنا کێم/نزم).
• تایبەتمەندیا میکانیکی: خودان سیستەمێ بلۆککرنا جوداهى یا ل پشت کەرتی (Diff-Lock) دگەل تایەیێن تایبەت ب هەرپێل و بەرا (Off-Road Tires) بۆ بلندترين ئاستێ نهجهبوونێ.
وەشانا Overland تێکەلەیەک ژ هێز و لۆکسیێ:
ئەڤ جۆرە هەمان هێزا میکانیکی و تەکنیکی یا وەشانا Trailhawk هەیە، بەلێ بۆ ناڤ باژێڕی و گەشتێن لۆکس و خۆشيێ هاتیە گونجاندن:
• دیزاین و ویل: خودان ویل و تایەیێن تایبەتە ب ڕێيێن قیرکری (Road Wheels) بۆ نەرمیەکا پتر.
• کابینا شاهانە: گرنگیەکا مەزن ب کەرەستێن لۆکس، چەرمێ کوالیتی بلند و جوانکاریا ناڤخۆ هاتیە دان بۆ دابینکرنا ئارامیەکا بێ وێنە.
