جەماوەرێ یانەیێن کوردستانێ چاڤەڕێ ناسناڤەکی نە
تارق عەبدال
ھەر وەکی یا دیار خولا ستێرێن ئیراقێ دێ ل ئەینییا بهێت دەستپێکەت، پار سال ھەر چوار یانەیێن کوردستانێ دھۆک، نەورۆز، ھەولێرو زاخو شیان دخولا ستێرێن ئیراقێ دا ئەنجامێن باش ب دەستخوڤە بینن ئەڤێ چەندێ دەنگڤەدانەکا مەزن لسەر ئاستێ فوتبولا ئیراقێ و کەنداڤی ھەبوو ئەوژی پشتی یانەیا دھۆک بوویە قارەمانا کۆپا کەنداڤی و پار سال یانەیا زاخۆ ژی ھەمان رول گێرا ھەر چەندە یاریا بەرێ دووماھیێ تووشی خوسارەتیێ بوو دگەل یانەیا شەباب یا سعودی، بەلێ یا گرنگ دڤێرە دا ئەوە کو یانەیێن کوردستانێ ل ڤان چەند سالێن دووماھیێ شیاینە نەبەس ل خولا ستێرێن ئیراقێ ئەنجامێن باش بینن و ناڤودەنگیا خو دیارکەن بەلکو ئەو سنور دەربازکرن و بەر ب کەنداڤی و ئاسیا ڤە چوون ئەڤەژی دەسپێکەکا گەلەکا باشبوو بۆ بەر ب پێشڤەچوونا وەزرشا کوردستانێ ب گشتی، گەر ئەم بھێینە لسەر ئاستێ جەماوەر و پشتەڤانان ژی دیسان یانەیێن کوردستانێ دەربارەی ڤێ یەکێ ژی پێشەنگ بوون دخولا ستێرێن ئیراقێ دا، ژبەرکو ھەر دەما یاریێن یانەیێن کوردستان ل یاریگەھێن خەو ئەنجامدان رێژەکا مەزنا حەژێکەرو جەماوەرێن وان ل یاریگەھێ ئامادەبوون ژبو پشتەڤانیا یانەیێن خوە، ئەڤێ چەندێ ژی وەکر کو د ئەڤ سالەدا یانەیین کوردستانی د وەرزێ ڤەگوھاستنا یاریزانان دا بزاڤێ بکەن رێژەکا زێدەتر ژ یاریزانێن پیشگەر و خودان شیان بینە دناڤا یانەیێن خودا ژبو ھندێ دڤی وەرزی دا ھەر چوار یانەیین کوردستانێ بشێن ھەڤرکیێ لسەر ناسناڤێ خولا ستێرێن ئیراقێ بکەن و بشێن پلێتین ب دەستڤەئینانا بو خولا کەنداڤا مسوگەر بکەن و بشێن ھەڤرکیا برنا ناسناڤێ جاما کەنداڤی بکەن وەکی بەری نوکە یانا دھۆک ئەو ناسناڤ بری، د نوکەدا چاڤێن حەژێکەر جەماوەرێ ھەر چوار یانێن کۆردستانێ لسەر یانەیێن وانن ژبو ب دەستڤەئینانا ئەنجامێن باش و برنا ناسناڤان ، یا دژی دمینتە لسەر شیان و ھێزا یاریزانان کو بشێن دلێ جەماوەر و پشتەڤانێن خو ب سەرکەفتنا شاد بکەن ئەم چاڤەریێ ینە.
