خابیر
فه‌رهاد حاجی باڤی
ئه‌ی خابیرێ ب خێر و بێر
چپكه‌ك ئاڤا ته زیڤ و ئێك زێر
مه‌یاڤه‌ك ته مزگه‌ڤت و ئێك دێر
پێله‌ك ته په‌هله‌وانه‌ك و ئێك جامێر
__
ده‌راڤه‌ك ته گه‌نم و نان
و ئێك نه‌فت و ده‌رمان
جووه‌ك ته مرۆڤانی و ژیان
و هه‌ر ئه‌و جو مرن و زیان
__
ئه‌ی خابیرێ بووی ناسنامه
و ڕوومه‌ت كری ڕه‌وشا مه
ئه‌م بوون ڕۆژ مێرێن سروشتی و سالنامه
و خوینا خوه مه كر خێر و بوونه دیرۆكنامه
_
ڕێزا هونه‌رمه‌ند و بیلمه‌تێن مه بێژه
لیستا شۆرشڤان و شه‌هیدان درێژه
ل چه‌په‌رێن ئێكێ هه‌ر ئه‌م ما بوون
سه‌ردێرا هه‌می نووچان بوون
+++
تۆڤێ تڤه‌نگێ مه چاند
په‌یاما سه‌ركه‌فتنێ مه شاند
نالێن دیرۆكێ مه تۆند بادان
فرۆكێن هیڤییان ل ڤێرێ دادان
_
دیمه‌ن مۆزه‌خانه‌یه
و هه‌ڤركی ته دگه‌ل هه‌ر ژ خوه‌یه
هه‌كه‌ر دیتنا ته ڕۆژانه نه‌بت
ئه‌و ڕۆژ دلئێش و زێده‌یه
_
لڤینێن ته دبنه شانازی
بلندن كورێن ته وه‌كی بازی
قه‌بانێ دگه‌ل ته
شه‌ركه‌ری دهێلت ڕویس و تازی
_
ما تو نزانێ هه‌كه‌ر بی شه‌ر
مرۆڤێ په‌پووك و قه‌له‌نده‌ر
ل شه‌رگه‌هێ دبته ده‌ست و سه‌ر
__
ما تو نزانێ هه‌كه‌ر بی شه‌ر
زارۆكێن مه ژ كه‌ڤلێ خوه دئێنه ده‌ر
شیرێ خوه د فرۆشن
دا ببن خۆدان خه‌نجه‌ر
و گازی مرنێ دكن:
نێزیك به تو چه‌ند دویری
دا ب پارێزن ئاخا وه‌ك زێری
دا بلند كن ته‌ختێ میری
+++
ئه‌م ب ته تژی لاپه‌رێن دیرۆكێ نه
ئه‌م سووارێن سیمه‌رخ و فرۆكێ نه
ئه‌م شاهێن جوگرافیایێ
و شه‌یدایێن ئامه‌د و كه‌ركۆكێ نه.
