خـوارنا هێکـێ رۆژانە چ مـفا هـەنە؟
هێک ئێک ژ خوارنێن ساخلەم دهێنە نیاسین و ژمارەکا زێدە یا مفایێن ساخلەم و پێکهاتەیێن خوارنێ تێدانە و ئەگەر رۆژانە بخۆی، دێ 4 تشت ژ ژیانا تە هێنە گوهۆڕین.
پسپۆرا خوارنێ، ماریان والش بۆ مالپەرێ باراید گۆت: هەر کەسەکێ رۆژانە هێکی بخۆت، دێ 4 گوهۆڕینان ل دەڤ خۆ بینیت.
هێز
ئەگەر سپێدەهیا خۆ تۆ ب خوارنا هێکی دەستپێبکەی، دێ ئێنێرجی و هێزەکا مەزن دەتە لەشێ تە، ژبەرکو هێک تێکەلەکە ژ پرۆتین و دوهنی و یا هاریکارە بۆ وان کەسێن سپێدەهیان تووشی لاوازیێ دبن.
هێزا فۆکسکرنێ
ئەلەمێنتێن خوارنی د ناڤا هێکێ دا ساخلەمیا مەژی بهێز دکەت، مادەیێ کۆلین یێ د ناڤا هێکێ دا مەژی ژ هەودانێ د پارێزیت و پەیوەندیا شانەیێن مەژی و بیردانکێ بهێز دکەت.
باشبوونا گێولی
خوارنا هێکێ ئێنێرجیەکێ ددەتە گێولێ مرۆڤی و پەیوەندیەکا راستەوخو د ناڤبەرا ئەلەمێنتێن خوارنێ یێن د ناڤا هێکێ دا و باشبوونا ساخلەمیا مێشکی دا هەیە.
ساخلەمیا دلی
ڤەکۆلین ئاماژێ ب وێ یەکێ دکەن کو هێک یا زەنگینە ب پرۆتینان و کۆمەلەیا دلی یا ئەمریکی ژی دیار کریە کو ئەو کەسێن نەخۆشیێن دلی ژی هەیی دشێن حەفتیێ پێنج جاران زەرکا هێکێ بخۆن.
