داخوازیێن خەلكی پتر ل سەر گولا (رۆز)ن
عابشە عەجیب
لارین، كچەكا گولفرۆشا خەلكا دهۆكێ، نێزیكی پێنج سالانە جهەكێ تایبەتێ فرۆتنا گولان هەیە و ئەو ب خۆ گولان ئامادە دكەت و ب گۆتنا وێ فرۆتنا گولان ژلایێ خەلكەكی ڤە هەتا رادەیەكی یا باشە، ب تایبەت ژی ل هندەك بیرەوەری و هەلكەفتان پتر دهێنە فرۆتن و پتریا خەلكی حەزژ گولا (رۆز) دكەن.
لارین بۆ رۆژنامەیا ئەڤرۆ دبێژیت: وەكو هەموو كاران فرۆتنا گولان خۆشی و نەخۆشیێن خۆ هەنە و نەخۆشیا هەرە سەرەكی ئەوە دەمێ كەسەك گولەكێ داخواز دكەت و ل دووماهیێ نەهێتێ، ئەڤ چەندە بۆ من یا نەخۆشە و دەربارەی دانانا گولان ژی بۆ هەر هەلكەفتەكێ ئەم دیزاینەكا جودا بەرهەڤ دكەین و ب هەموو شیانێن خۆ بزاڤێ دكەین بكڕێن خۆ ڕازی بكەین.
