داخۆیـانیێن ئـاگرین ژ كـەسێن دەڤبخوین
خـالد ئـەحمەد بـادی
كەسایەتییا هەر تاكەكی دهێتە هویربینیكرن د هەلوەست و رابردوو و پەیامێن وی ب خۆ دا ئانكو ئەگەر، زانایە یان نەزانە, دلسۆزە یان بەرژەوەندیخوازە, زیرەكە یان نە, ئەگەر ئەم ل رابردویێ هندەك تاكان سەیر بكەین دێ بۆ مە دیاربیت كو ئەلیف ـ بێتكێن سیاسەتێ نزانیت, هەر دیسا رستەكا ئیدارەكرنێ لدەف نینە, هەروەسا رابردویەكێ زۆر خراب و خیانەتكاری ژی هەیە, هەر دیسا داردەستێ هندەك لایەنانە, رامانا مانشێتێ گۆتارا مە ئەوە كو فەرە ل هەرێما كوردستانێ هندەك قانوون و رێنمایی هەبن بۆ ئەنجامدانا هەر كارەكی، ب تایبەت كارێ سیاسی دا كو هەر تاكەك لایەنەك ل دویڤ بەرژەوەندیا خۆ نەئاخڤیت و داخۆیانییان نەدەن, دا كو ل دویڤ قانوونێ مافێ هەر تاكەكی یە چ بێژیت یان بكەت، چونكو هەرێما كوردستانێ ب دەستوورەكی هاتیە دروستكرن ب رازەمەندییا ئیراقا فیدرال, هەر دیسا ب چاڤدێرییا وەلاتێن زلهێزێن جیهانێ ب تایبەت (وەلاتێن هەڤگرتی, un) چونكو هەرێما كوردستانی (100%) دەستووری یە, ئەگەر ئەم ل ناڤەرۆكا فەرهەنگا دیرۆكێ دا بنێرین؛ دێ بۆ دیاربیت كا ئەو كیینە و وان چ كریە و ئەو چ بوون ل سەر دەمێن جاشاتیێ دا، ل ڤان چەند رۆژێن دەربازبووی مە دیت شاسوار عەبدلواحد كەبابچی چەندین سیناریۆ دروست كربوون ل گەل شریكێن خۆ یێن ل سلێمانیێ و ئەو سیناریۆ ب تنێ ل دژی هەرێما كوردستانێ بوون, نوكە دیاربوون ل بەری چەند رۆژان داخۆیانیێن ئاگرین ژ دەڤێن دەڤبخوین دەركەفتن دەڤێن ژەهراوی كو مخابن كەسەك بناڤێ كورد وان داخۆیانییان بدەت, ئەو داخۆیانی زۆر مەزنترن ژ یێن ژ وی مەزنتر ل دژی هەرێما كوردستانێ كو تێدا دیاركریە یان دڤێت ئەڤ دەستهەلاتە برۆخیێت یان قەوارەیێ هەرێما كوردستانێ نەمینیت, ب راستی نە هەرێما كوردستانێ ب تە هاتیە دروستكرن، نە ژی ب تە دهێتە راكرن چونكو د ناڤ هەڤكێشەیێن سیاسی و هەرێمی دا هەر چ پلە ل دەڤ هەوە نینە ئانكو هوین د بێ پلەنە و چ هژمار بۆ هەوە ناهێتەكرن، لەوما مە ل سەرێ گۆتارا خۆ دیاركربوو كو فەرە هندەك قانوون و رێنمایی ل هەرێمێ هاتبانە دانان و كاڕاكرن دا كو كەسانێن چ نە، یان هەر تاكەك داخۆیانیێن بێ بنەما نەدەن دا كو هەر ئێك سنوورێن خۆ بزانیت یێن بۆ هاتینە داناندن. مخابن فەربوو ل شوینا وان داخۆیانیان هندەك خال بانە كو حەز و ڤیانا وەلاتی حەز و ڤیانا كوردستانێ تێدا دیارببانە, هەوە گازی كربایە ب دەنگێ بلند گەلی لایەنێن سیاسی وەرن دا پێكڤە كۆمببین و چارەیەكێ ل رەوشا گشتی و هەرێما كوردستانێ بكەین دا كو ب شەراكەت و براینی و كوردپەروەرانە دەستێن خۆ بكەینە د ناڤ ئێك دا داكو كوردستانێ ئاڤا بكەین و ژ دەستێ دوژمنان بپارێزین, ئاخفتێن مەزنان هەر زۆر د راستن دبێژن كارێن خراب ژ كەسێن خراب و پیس دهێنە ئەنجامدان.
