داهاتێ پێشانگەهێ بۆ زاڕۆكێن تووشی نەخۆشیا پەنجەشێرێ نە
شاكر ئەتروشی
مونا محەمەد مستەفا، خانمەكا دەستڕەنگینا خەلكا دهۆكێ، دەمەكە یا خۆ بەرهەڤ دكەت داكو پێشانگەهەكا كارێن دەستی وەك (بلۆز، كولاڤ، فەرشە، ئێكسسوارات، كالۆخكێن قورئانێ و كلینسان) و گەلەك تشتێن دی، كو ژ چێكرنا وێ نە، ل پاركا نەورۆز ل دهۆكێ ڤەكەت و داهاتێ وان دێ پێشكێشی وان زاڕۆكان كەت یێن تووشی نەخۆشیا پەنجەشێرێ بووین.
هەروەسا گۆت: ئەڤە پتری (10) سالانە ئەز ڤی كاری دكەم و گەلەك تشتان چێدكەم، كو مەرەما من پێ نە بۆ فرۆتنێ نە، چنكو ئەز بتنێ بۆ ئەندامێن مالا خۆ و كەسوكار و نێزیكێن خۆ چێدكەم، لەورا پشتی وەك ماموستا هاتیمە خانەنشینكرن پتر دەلیڤە چێبوو كو بەردەوامیێ بكارێ خۆ بدەم و بەری چەندەكێ من پێشانگەهەك ڤەكر و داهاتێ وێ بۆ خێوان و زاڕۆكێن شەهیدان كرە دیاری و نوكە ژی من ل بەرە پێشانگەهەكا دی ڤەكەم و هەر تشتەكێ بهێتە فرۆتن دێ پارێ وی بەمە نەخۆشخانا پەنجەشێرێ ل دهۆكێ و دێ كەمە دیاری بۆ وان زاڕۆكان یێن تووشی نەخۆشیا پەنجەشێرێ بووین و هیڤیا من ئەوە ئەز بشێم پیچەكێ بارێ ل سەر ملێن مالێن وان سڤكبكەم.
