دو هونەرمەندێن كورد ل پێشانگەهەكا جیهانی پشكدار بوون
رەمەزان زەكەریا
ل بیرەوەریا 75 سالیا ژ دایكبوونا كارتۆنیستێ بناڤودەنگێ هیندی (مایا كاماس) پێشانگەهەكا نێڤدەولەتی یا كاریكاتۆری ل وەلاتێ هیندستانێ هاتیە ڤەكرن و ب سەدان هونەرمەندێن جیهانێ تێدا پشكدار بووینە.
هەندرێن خۆشناو، ددیدارەكێ دا بۆ رۆژنامەیا ئەڤرۆ گۆت: ئەڤ پێشانگەهە ژلایێ پەیمانگەها كارتۆنی یا هیندستانێ IIC ڤە هاتیە ڕێكخستن، كو ئەڤ سالە پتر رۆناهیێ ددەتە سەر ژیان و ئاریشەیێن ئافرەتان ب تایبەتی ل وەلاتێن هەژار، لیژنی(1080) كاریكاتۆرڤان ژلایێ (544) هونەرمەندێن ناڤخۆ وجیهانی ڤە وەرگرتبوون ل دووماهیێ ژی ناڤێ (150) هونەرمەندێن سەركەفتی ڕاگەهاندن كوكارێ من دناڤ دابوو، هەلبژاردنا كارێ من د ناڤ ئەڤی جەماوەرێ مەزنێ جیهانیدا، سەلماندنا دەنگ و ڕەنگێ هونەرێ كوردستانێ یە ل سەر ئاستێ كوردستانێ و ئیراقێ ژی بتنێ ئەز و هونەرمەند جەبار سابیر پشكدا ببووین.
