دەرگەهـ ل بەرشەلۆنا گرت و ڕێ بۆ ئارسنال ڤەكر
پشتی دو سالێن ل دووڤ ئێك یێن بەرشەلۆنا ژبۆ ڤەگوهاستنا یێ ئەرجەنتینی جۆلیان ئالڤارێز ژ یانەیا ئەتلەتیكۆ مەدرید دوهی ب فەرمی خوە ڤەكێشا، سەرباری بلندكرنا كۆژمەیێ ئۆفەرا دووماهیێ ژ 100 ملیۆن بۆ 130 ملیۆن یۆرۆیان.
ئۆرا ESPN یا ئسپانی نهێنییا خوەڤەكێشانا بەرشەلۆنا ژ گرێبەستا ئالڤارێزی دیاركرییە كو ئەگەرێ سەرەكی نە كۆژمەیێ پارەیی بوویە، بەلكو پڕانییا ئەندامێن كارگێریێ دژی فرۆتنا یاریزانی بۆ یانەیا بەرشەلۆنا هەڤڕكا وێ د خولی دا بوو، سەرباری بەرپرسێن یانەیا كاتەلۆنی هەموو بزاڤ كرن ڕازیبوونێ وەربگرن لێ دووماهیێ نەچاربوون خوەڤەكێشای، ئەڤچەندە بوو ئەگەر یانەیا ئارسنال یا ئنگلتەرایێ بهێتە ل سەر هێل و ئێكەم ئۆفەر و یا ڤەبر ب 150 ملیۆن یۆرۆیان پێشكێشی ئەتلەتیكۆ مەدرید بكەت، لێ دبیت یاریزان یێ ڕازی نەبیت ژبەركو ئەو حەز دكەت ل خولا ئسپانیا بەردەوامبیت.
ئەڤ پێشهاتە ددەمەكێ هەستیار دا هات تایبەت پشتی ناكۆكی دناڤبەرا پشكەكا مەزن یا پشتەڤانێن ئەتلەتیكۆ و یاریزانێ ئەرجەنتینی ئەوێ د یارییا بۆری دا تووشی ئاخڤتێن سڤك بووی، دبیت ئەڤچەندە بیتە ئەگەر یاریزان ل سەر بڕیارا خوە لێڤە بیت و بچیتە ئارسنال.
