د. میقداد ڕەعدی: کوڕێن دهۆکێ ناسناڤ ب دەستڤەئینا
پشتی پێشكێشكرنا وی ئاستێ بلند و دهسكهفتێ دیرۆكێ یێ بدهست كورێن باژێرێ دهۆكێ كهفتی و بویه ترێند د سوشیال میدیا یێ دا، بۆ وهرزشڤان و حهژێكهرێن یاریا باسكێت بۆلێ دیاربوو كو گهنجێ مه شیانێن مهزن لدهف ههنه لێ پێدڤی ب سهركردهكێ خۆدان شیانن داكو راسته رێكهت، ههر وهكی ئهوا د.میقداد رهعدی دهرگهههك بۆ ڕاهێنهرێن پارێزگههێ ڤهكری و بۆ وان سهلماند كو زانستێ خۆ ب دارێژن و بهرههمێ وی دیاربكهن، ههر وهكێ د حهفتیا بۆری دا دیاربوو.
لدۆر چهوانی رێخۆشكهرا ڤی دهسكهفتی د داخۆیانیهكێ دا ڕاهێنهرێ ناڤهات و یانهیا دهۆك بۆ رۆژنامهیا ئهڤرۆ دیاركر د چهندین دهلیڤهیان دا ههڤال و خێزانێن یاریزانێن من بزاڤ دكرن كو نههێلن بهردهوامیێ بدهنه راهێنانان و دگوته وان هوون بۆچی خۆ ماندی دكهن و چو پێڤه ناهێت، بهلێ من سهربۆرا خۆ بۆ ان ڤهدگێرا کو چهندین سالان بێ مووچهیی یارییا كری ههتا گههشتیمه ڤی ئاستێ و دگهل خێزانێن وان د ئاخفتم کو باوهری ههبیت ماندیبوونا وان ب ههروه ناچیت، ژبلی هندی گهلهك ههبوون نهشیان رۆژانه بهێنه راهێنانان و پاره نهبوو، بهلێ ئهوان ژی باوهری ههبوو دێ گههنه ئارمانجهكێ، گهلهك كهس ژ وهرزشڤانان ههبوون دژاتیا وان دكر بتایبهت ئهگهر یاریهكێ دا خوسارەتبوون، پتشی ڤی دهسكهفتی ههمی یێن بێدهنگبووین، بهلێ هندهك ژی ههبوون ب سوپاسیڤه باوهری بۆ وان چێدكر.
دهربارهی قووناغا بهێت ناڤبری گۆت: ژنوو دێ كارێ مه دهستپێكهت، ڕاسته پلا نایاب بارهكێ گرانه، نوكه تهپه كهفته د گۆرهپانا بهرپرسێن وهرزشی دا و پێدڤی ب پشتهڤانیا دارایی نه، دێ پێدڤی ب دو یاریزانێن پیشهكار بین داكو دگهل یاریزانێن مه تشتهكێ بكهن، من باوهری یا ههی د ماوهیێ دو سالان دا دێ ئاستێ وان گههیته گۆپیتکێ جهێ خۆ دناڤ رێزێن ههلبژارتیێ ئیراقێ دا كهن، دێ لدووڤ زانست و شارهزاهیا خۆ پلانهكێ بۆ دانم كو بگههیننه خهونێن خۆ، یا گرنگتر رۆژهك بهێت ههلبژارتیهك بناڤێ كوردستانێ بیت و ئهز پشكهك بم دگهلدا.
ژلایەکێ دووڤە د. میقدادی دگۆت: ئهڤ ناسناڤه یێ دورست و تاما دهۆكیێ ژێ دهێت نهوهكی یا سالێن بۆری یه ئهوا ههمی یاریزانێن بینانی تنێ ناڤ دهۆك بوو، من ههست پێكر د چاڤێن خهلكێ دهۆكێ دا دیاربوو كو ئهوان خۆ دیت پشكهك ژڤێ سهركهفتنێ، لەوماژی دێ پشت بهستنێ ل سهر یاریزانێ خۆمالی کەین ئهگهر دو یاریزانێن بیانی ژی ههبن، مه نفشهكێ دی یێ دەهـ سالی هەیە ههتا چار سالێن دی دێ جهێ ڤان یاریزانان گرن و باشتربن، من باوهره دێ بنه پیشهكار ژ دهرڤهی ئیراقێ، ئهگهر ئهز یێ شارهزابام د فوتبۆلێ دا من باوهره دا نیڤا یاریزانێن ئیراقێ ژ دهۆكێ بن، چونكه من رێكێن زانستی یێن بكارئیناین تاكو گههشتیمه ڤی ئاستی .
لدووماهیی راهێنهرێ دهۆكێ گۆت: ئهڤ هۆله بۆ یاریێن خولا نایاب نه یا گۆنجایه و جهێ پشتهڤانان ناكهت، لهوڕا پێدڤیه ڕێكهك بۆ بهێته دانان ههر چ نهبیت هۆلا تایبهت ئهوا مایه نیڤهڕو هاتبا نوژهنكرن، پشتهڤان وهكو فوتبۆلێ دێ هاریكاریێ كهن ب پاره هێنه پێش یاریان، ههروهسان هیڤییا من ئهوه میدیاكار و دهزگایێن راگههاندنێ رۆلێ خۆ ببینن بهرامبهر ڤان یاریزانان.
