راكرنا باجێ ل سەر هندەك بەرهەمێن بیانی زیان بۆ بەرهەمێ ناڤخۆیی هەنە
هەولێر، قائید میرۆ:
بریكارێ وەزارەتا بازرگانی ئاشكرا کر، حوكمەتا هەرێما كوردستانێ پشتەڤانیا بەرهەمێ ناڤخۆ دكەت و راكرنا باجێ لسەر هندەك بەرهەمێن بیانی زیان گەهاندینە بەرهەمێ ناڤخۆ.
سەروەر هاواری، بریكارێ وەزارەتا بازرگانی و پیشەسازی بۆ رۆژناما ئەڤرۆ دیاركر، نەهێلانا باج و رسوماتان لسەر بەرهەمێ دەرڤە كاریگەری لسەر بەرهەمێ ناڤخۆ هەیە، چونكی سیاسەتا حوكمەتا هەرێما كوردستانێ، پشتەڤانیكرنا بەرهەمێ ناڤخۆ یە و گۆت: «هەر بڕیارەكا بهێتەدان بۆ راكرنا باجێ لسەر ئینانا بەرهەمێ ژ دەرڤە دێ زیانێن مەزن بۆ بەرهەمێ ناڤخۆ هەبن و مە ژی نەڤێت زیان ب خەلكێ مە بكەڤیت».
سەروەر هاواری گۆت ژی: «دەمێ بەرهەمەك هەبیت یێ ناڤخۆ ژ لایێ كوالێتی و زانستی ژی ڤە گەلەك ژ بەرهەمێ ژ دەرڤە دهێت باشترە، دیسا هاریكاریا بەرهەمێ ناڤخۆ دێ بیتە ئەگەرێ ڤەژاندنا كەرتێن جودا و بهێزكرنا بەرهەمێ ناڤخۆ، بەلێ دەمێ بەرهەمەك ژ دەرڤە بهێت و باج لسەر بهێتە راكرن هەتا پیچەك ئەرزانتربیت، بەلێ هەمبەردا زیان ب بەرهەمێ ناڤخۆ دكەڤن و زیان بۆ پڕۆژەیێن ناڤخۆ هەنە».
