سەرمەد عەبدولئیلاهـ: ئەوا ئەو هزر دكەن خەونە و كارێ مە یاسایی یە
د داخویانیەكێ دا سەرمەد عەلبدولئیلاهـ جێگرێ ئێكێ یێ سەرۆكێ فدراسیۆنا فوتبۆلا ئیراقێ دوپات كر ئەوا دهێتە كرن ژلایێ كەسێن نەڕازی دژی هەلبژارتنێن وان بێ بنەمایە و نە یاساییە و یا هزر دكەن ژی خەونە، ئەڤ داخویانیە هات ژبەر هەبوونا بزاڤێن سەرۆكێ پێشتر یێ فدراسیۆنێ عەدنان درجال ئەوێ سكالایا دەستپێكی ل سەر دەستەیا نوو یا فدراسیۆنێ تۆماركری ب هەبوونا سەرپێچیان د دەمێ ڕێڤەچوونا هەلبژارتنا ئەوا یونس مەحموود بوویە سەرۆكێ نوو.
زێدەتر ناڤهاتی گۆت: ئەم ژ چو سكالایان ناترسین و ئەوا ئەو هزر دكەن خەونە و دێ خەونا وان هەتا 2030ێ بەردەوامبیت، كارێ مە هەموو ب یاسایی بڕێڤەچوویە، هەكە بەحسی نوونەرێ یانەیا زاخۆ بكەن، ئەو د دەستەكا گشتی دانە و كۆمبوونان دا بەرهەڤبووینە، ئەم یێ كارێ خوە دكەین و چو ئاریشەیێن یاسیایی و كارگێری نینن، كارێ دژاتیكرنێ بەرانبەر ئەندامێن فدراسیۆنێ ژلایێ كەسێن پێشتری مە یا دهێتە كرن، لێ مە ژی پێڕابوونێن یاسایی هەنە و هەر كەسەكێ دژاتیا مە بكەت یان ئاخڤتێن بێ بنەما دژی مە بەلاڤبكەت ڕێكارێن یاسایی دژی وان هێنە كرن.