سەرۆك بارزانی پێشوازیێ ل شاندەكێ بلند یێ بزاڤا ئیسلامی ل كوردستانێ دكەت

سەرۆك بارزانی پێشوازیێ ل شاندەكێ بلند یێ بزاڤا ئیسلامی ل كوردستانێ دكەت

ئەڤرۆ

دوهی ئێكشەمبی 28/5/2023 ل سەلاحەددین، سەرۆك مەسعود بارزانی پێشوازی ل شاندەكێ بلند یێ بزاڤا ئیسلامی ل كوردستانێ ب سەرۆكایەتیا عرفان عەلی عەبدولعەزیز ڕێبەرێ گشتیێ بزاڤا ئیسلامی ل كوردستانێ كر.
د دیدارەكێ دا بیروڕا ل دۆر دووماهی پێشهاتێن سیاسی یێن ئیراقێ و دەڤەرێ و پەیوەندیێن د ناڤبەرا حوكمەتا هەرێما كوردستانێ و حوكمەتا ئیراقا فیدرال هاتنە ئالوگۆركرن و هەروەسا باس ل ڕەوشا سیاسی و ناڤخوەیی یا هەرێما كوردستانێ و پێدڤیا ئەنجامدانا هەلبژارتنان و دەستگرتن ب بها و پرەنسیپێن بلند و وان بابەتێن ڕەهندێن نیشتمانی هەین.
هەر د وێ دیدارێ دا سەرۆك بارزانی پێزانین بۆ هەلوەستێن نیشتمانی و دیرۆكی یێن بزاڤا ئیسلامی ل كوردستانێ هەبوو و دووپاتی ل پێشڤەبرنا پەیوەندیێن د ناڤبەرا هەردوو ئالیان كر.

کۆمێنتا تە