سەرۆك بارزانی پێشوازیێ ل شاندەكێ هەڤپشك یێ لاوێن دیمۆكراتی یێن جیهانی و...

سەرۆك بارزانی پێشوازیێ ل شاندەكێ هەڤپشك یێ لاوێن دیمۆكراتی یێن جیهانی و كۆنگرێسێ لاوێن كورد دكەت

ل رۆژا ئێكشەمبی 28/5/2023، سەرۆك مەسعود بارزانی ل سەلاحەددین پێشوازی ل شاندەكێ هەڤپشكێ لاوێن سیاسی یێن جیهانی و كۆنگرێسێ لاوێن كورد كر.
د كۆمبوونەكێ دا مایكل دۆست، سەرۆكێ لاوێن دیموكراتی یێن جیهانێ د پەیڤەكێ دا باسێ خواستا ڕێكخراوا خوە كر بۆ ب هێزكرنا پەیوەندی و دۆستایەتیێ ل گەل گەلێ كورد و پشتەڤانیا ڕێكخراوا خوە ژی بۆ دۆزا گەلێ كوردستانێ ڕاگەهاند و ڕێز ژی بۆ خەباتا گەلێ كوردستانێ و قەهرەمانیا پێشمەرگێ كوردستانێ د شەڕێ دژی تیرۆڕێ دا و بەرگریكرنێ ژ مرۆڤایەتیێ دا هەبوو، هەروەسا حێبەتیا خوە ژی بۆ بەرفرەهبوونا فەرهەنگا پێكڤەژیانا نەتەوەیی و ئایینی ل هەرێما كوردستانێ دەڕبری.
هەر د وێ كۆمبوونێ دا سەرۆك بارزانی سەرەرای ب خێرهاتنێ ل شاندێ مێهڤان، كورتیەك ل دیرۆك و خەباتا گەلێ كوردستانێ ژ پێخەمەت گەهشتن ب ئازادیێ و پێكڤەژیانێ بۆ شاندێ مێهڤان بەرچاڤكر.
دهێتە زانین د پێكهاتەیێ وی شاندی دا، نوونەرێن پارتا كریستیان یا دیموكراتی یا ئەلمانی و سەرۆكایەتیا لاوێن سیاسی ل ئورۆپا وپارتا گەنجێن نوو یا سویسری و پارتا پێرلا لابێرتا یا ئیتالی و پارتا دیموكراتی یا سربی ژی بەرهەڤببوون.

کۆمێنتا تە