شانۆ خێزانا من یا دویێ یە
هیڤی كەریم
شانۆڤانا گەنج (لەیلا سەلمان لەزگین) د د دیدارەكێ دا بۆ رۆژنامەیا ئەڤرۆ گۆت: ئەز دەرچۆیا پشكا شانۆیێ مە ل پەیمانگەها هونەرێن جوان و د هەر پێنج سالێن پەیمانگەهێ دا وەک (ئەكتەر، تەكنیكار، رێڤەبەرا شانۆیێ) پشكداری دگەل شانۆگەریان دا كریە و ب هەموو كارێن خۆ یا دلخۆشم، چنكو ئەڤە حەزا منا زاڕۆكینیێ بوو.
هەروەسا گۆت: ل قوناغا چارێ مە رۆلەكێ كارا د شانۆگەریا تۆند و تیژیێ دژی ئافرەتان دا كر، كو ب هەڤكاری ل گەل رێڤەبەریا نەهێلانا تۆند و تیژیێ دژی ئافرەتان هاتبوو رێكخستن و ئەو شانۆگەری ل (دهۆك، ئامێدیێ، ئاكرێ، شێخان، بەردەڕەش) هاتە نیشادان و وێرەكی و بندەستیا كچێن بندەست گەهاندە جڤاكی، هەروەسا ل قوناغا پێنجێ ژی مە پشكداری ل شاكارا (ویلیام سارۆیان) ل بن ناڤێ (كی ل وێرێ بوو؟) كر كو بابەتەكێ جڤاكی بوو ل دۆر پشتگوهخستنا خێزانێ و بەرزەبوونا مرۆڤان د ناڤ ژیانەكا ئاشۆپی دا، لێ مخابن درۆژێن دووماهیێ دا ئەكتەرا سەرەكی ژبەر هندەك كاودانان دەست ژكاركێشانا خۆ راگەهاند، لێ ئەم شیاین وی جهی پر بكەین و سوپاسیا خێزانا خۆ دكەم كو هەردەم پشتەڤانیا من دكەن.
