شۆڕشا ١١ێ ئیلۆنێ، مۆركا شهرهفمهندی و سهربلندییا گهلێ كوردە
محهمهد عهبدولجهبار كوردی
ئهو نهدهنگێ گولهیهكێ بوو ل بهریێ سپێدههیا ١١ ئیلۆنێ دا، بهلكی ئهفسانهیا سهرهلدانێ بوو د ههمبێزا قهدهرێ دا پهقی، جاران چارهنڤیسێ كوردان ل كۆشكێن كۆلۆنیالیزمێ و ههڤپهیمانێن ژهنگگرتی دا دهاته زیندانكرن، بهلێ شۆرهشا ئیلۆنێ ب سهركردایهتیا بارزانیێ نهمر ههڤكێشهیا سیاسی و سهنگا سهربازی ل دهڤهرێ سهروبن وهرگێرا بۆ ئێكهم جار ل مێژوویا سهدێ بیستێ یا گهلێ كورد دا، ههمی چین و توێژێن كوردستانێ ئێخستن ل بن سیبهرا خۆدا شییا سێگۆشهیا سیاسی و جڤاكی و لهشكری، ب تهمامی ب خۆڤه بگریت بارزانی نهمر و ئیلۆن دهراڤا وان چارده سالێن خهباتا كو ماڵ ب ماڵ ل دل و دیوانێن ههر تاكهكی نیشتیمان پهروهردا گهریایی پشتی خهنجهرا چاردهی تیر مههێ ژپێخهمهت كوردستانهكا ئازاد بهیانا بابێ روحی یێ مللهتی بوو بۆ بهرقهراركرنا ئاشتیێ و پێكڤهژیانێ ل دژی پهرژاندنا ستهم و زۆرداریێ كوشتن و وێرانكرنا كو رژێمێن ل بهغدایێ ب سهر گهلێن دهڤهرێ دا سهپاندین.
شۆرهشا ئیلۆنێ دهرگههێن گرتی یێن جیهانێ ل بهر كێشهیا كوردی ڤهكرن! بۆ جارا ئێكێ سهركردهكێ كورد شیا رژێما بهغدا ناچار بكهن ل سهر مێزا ههقیێ چۆك دادهت و ڕێككهفتننامهیا مێژوویی یا ١١ی ئادارا ١٩٧٠ێ ئیمزا بكهت و دان ب مافێ كوردان بدهت ئۆتۆنۆمیهتێ و زمانێ دایكێ و ناسنامهیا نهتهوهیی د دهستووری دا هاتنه چهسپاندن، پێگههێ كوردان د گۆڕهپانا نێڤدهولهتی دا وهرگێرا ژ «نهتهوهیهكا پهراوێزخستی بێ دۆست وههڤاڵ» بوو كارهكتهرهكێ سهرهكی د ههڤكێشهیێن ڕۆژههلاتا ناڤین دا، كو چ زلهێزان نهشیا چاڤان لێ بنقینیت ههر سهرهلدانا پیرۆزا ئهیلۆلێ بوو ڤهرێژا وی ئاگرێ راپهرینا ل بههارا ١٩٩١ێ بهرههمێ خهبات و تێكۆشینا جهنگاوهرێن ئهیلۆلێ بوو كو كهرامهتا مللهتێ مه ژ شكهفتێن چیایان گههانده هۆلێن پهرلهمانی و دروستبوونا قهوارهیێ دهستووری یێ ههرێما كوردستانا ئهڤرۆ.
مهزناهییا ئهیلۆلێ ب تنێ د بهرفرهیا سهنگهرێن شهڕی دا نهبوو، بهلكو د تهقینا هۆشیارییا جڤاكی دا بوو. بۆ ئێكهمین جار د دیرۆكا ههڤچهرخ دا دیوارێن عهشیرهتگهریێ جیاوازییا چینایهتی و پهرتهوازهییا دهڤهرداریێ ل ژێر سیبهرا ئێك ئالایێ پیرۆز دا حهلیان داسا جۆتیاری و تفهنگا پێشمهرگهری ئیێك دهنگ و هاوار بوو قهلهمێ رهوشهنبیری و ههلبهستا خانی ئیێك پهیام بوو گوند و باژێران ئیێك قهرار بوو، حیكمهت ژ بارزان بوو، لهورا چهتهیێن قهسرا سولتانی دین و هار دبوون كوردستانێ د هناڤێن تاریاتییا شهڤێ و دل رهقی و بێ بهختییا مێژوویێ و دهستههلادارێن وێدا پێشمهرگه و بارزانی ل سهر تهختێ بهرخۆدان و خۆ نهچهماندنێ دا دیتن چهپهرێن شهری ب سینگێ خۆ و ئاخ ب خوینا خۆ گرتن و ئاڤهدان دوژمن ب سهنگا خۆ و زولم و زۆرداری ب ئازایهتی و خۆراگرییا خۆ پاشڤه هێلان. ژ لهورا ئهز دبێژم
پێشهنگێ خهباتێ پێشمهرگێ دۆزێ
زهنگا شۆرهشێ خودانێ ڤێ پرسێ
ل ههردۆ شۆرهشێن ئیلۆن و گولانێ
باوهری و عهقیده بووی ل مهیدانێ
بژیت پێشمهرگه بژیت كورد بژیت كوردستان