شەش شەهید
هونەر میڕایی
دل د سینگیدا یێ د سۆژیت
خوین یا ژ چاڤێن مە د ڕژیت
دیسا کوردستان ڕەش پۆشە
ناخ د خوەدا یێ د هەژ هەژیت
دیسا هۆڤێن حەشیش ب زار
ڕۆندکێن دایکا ئینان خار
جەگەرێن دایکا لێ سۆتن
تاریکرن کەسکە بوهار
شەهید کرن (شەش) قەهرەمان
ژ مەستاندن تەڤ بێ تاوان
بخودێ کوردبوون نە تاوانە
ئێدی فێربن ئەی نەحەزان
ڕۆژەك هەیە د بێژنێ ئاخرەت
خۆدێ دێ دادگەهێ ب وە کەت
هین دێ چ بێژن گەر وان گۆت
﴿بِـــــــــــأَیِّ ذنـــــــبٍ قُتِــــــلتْ﴾
ئەڤ گوهارکە ل گوهێ وە بیت
چ جارا ژ بیرا وە نە چیت
ئیرادا ئاشتی خازییێ
قەت ناکەڤیت دێ بسەر کەڤیت
هندی بژین هندی مابن
ڤێ ئاخێ کورد دێ ژێ ڕابن
(شەش) شەهیدبوون شازدە ژ دایكبوون
کورد چ جارا خلاس نابن
