فێستیڤالا ئێكـێ یا بازرگانـی ل زاخۆ هاتە ئەنجامدان
زاخۆ، دلۆڤان هالۆ:
فێستیڤالا ئێكێ یا بازرگانی ب پشكداریا پتر ژ 40 كۆمپانیێن ناڤخوە و بیانی ل پاركا وایت مۆل ل ئیدارەیا سەربخوە یا زاخۆ هاتە ئەنجامدان، ئەڤ فێستیڤالە ل 25ی ڤێ مەهێ هاتیە ڤەكرن و بۆ دەمێ 11 ڕۆژان، ئانكو هەتا5/10/2026 دێ یا بەردەوام بیت.
ئەڤ فێستیڤالە ب مەرەما نیشادانا بەرهەم و بڕاندێن ناڤخوە و بیانی هاتیە ڤەكرن، كو د ڤێ پێشانگەهێ دا چەندین كۆمپانیێن ناڤخوە و بیانی د بیاڤێن جودا دا بەرهەمێن خوە نیشا ئامادەبوویان ددەن، فێستیڤال بەرهەمێن خوارن و شریناهیێن كوردەواری و سپیاتی و كارێن دەستی و چەندین بیاڤێن دی ب خۆڤە دگریت.
د ڕۆژا ئێكێ یا ڤێ فێستیڤالێ دا ئاهەنگەكا تایبەت ب پشكداریا هونەرمەند عەبدولقهار زاخۆیی هاتە ئەنجامدان.
