فەسادیێ بکە بۆ ساخلەمیێ باشە
ئه‌ڤرۆ:
ھەکە تو ژ حەزژێکەرێن فەسادیێ بی و حەز دکەی ئاخفتنان بینی و ببەی، ئەڤە ڤەکۆلینێن پزیشکی مزگینیان ددەنە تە کو فەسادی بۆ ساخلەمیێ یا باشە.
ڤەکۆلەران دیار کر کو بەرپرسیاریا پاراستنا نھێنیەکێ، نە ب تنێ بەرمایک و فشارێن دەروونی و دلینی ل سەر کەسێ دھێلیت، بەلکو زیانێن دارایی ژی لێدکەت، چونکو پاراستنا پێزانینەکا نھێنی ھەروەکو ھلگرتنا بارێن گران ل سەر ملان و وزا مرۆڤی دمەزێخیت، وەکو ئاژانسا رۆژھەلاتا ناڤین بەلاڤکری.
“مایکل سلیبیان” مامۆستایێ ھاریکار ل زانکۆیا “کولۆمبیا” یا ئەمریکی دیار کر کو بەرپرسیاتیا ھلگرتنا نھێنیەکێ مرۆڤی بەردەوام نەئارام و دودل دکەت، ناڤبری دیار کر ژی کو خەمێن نھێنیان وە دکەت مرۆڤ ھەمی تشتان ل دەوروبەرێن خوە بزەحمەت ببینیت، دلگەرمیا مرۆڤی ژی کێم دکەت بۆ بەرسینگگرتنا وان رکمانیان و کارکرنا مرۆڤی لاواز دکەت.
زانا زنجیرەکا تاقیکرنان ئەنجامدان بۆ ھەلسەنگاندنا کارتێکرنان ل سەر پاراستنا نھێنیان و شیان کەسی بۆ کونترۆلکرنا وان.
بەرۆڤاژی یا دھێتە گۆتن کو ژن نەشێن چەند دەقیقان خوە بگرن بۆ ئاشکراکرنا نھێنیەکێ، وەسا دیار بوو کو زەلام گەلەک بلەزترن بۆ ئاشکراکرنا نھێنیان، ئەو ژی ب رێیا تۆرێن جڤاکی، زەلام نەمایە ل ھیڤیا وێ چەندێ کو ھەڤالێن خوە ل چایخانێ یان ل بازاری ببینیت دا نھێنیان لێک بگوھۆرن.
