كۆمپانیا چێری ترومبێلا خۆ یا پیكئاپ ڕاگههاند
کۆمپانیا «چێری» (Chery) ب فەرمی ناڤێ نووترین پیكئاپا خۆ بۆ بازاڕێن ناڤخۆیی یێن چینێ ئەشکەرا کر کو ئەو ژی (Rely Hi800)ە. ئەڤ مۆدێلا نوو کو د قۆناغێن بەری نوکە دا ب کۆدێ (P3X) دهاتە نیاسین، بڕیارە بۆ بازاڕێن دەرڤەی چینێ (هەناردەکرن) ب ناڤێ (Stockman) بهێتە فرۆشتن.
پیكئاپا (Rely Hi800) خودان قەبارەیەکێ مەزن و سەرسۆڕهێنەرە کو ب تەمامی یا گونجایە بۆ کارێن گران و ڕێکێن سەخت، پیڤەرێن وێ ژی ب ڤی ڕەنگی نە:
– درێژی: ٥٤٥٠ ملم.
– پانی: ٢٠١٠ ملم.
– بلندی: ١٨٩٠ ملم.
– درێژیا د ناڤبەرا تەوەرێن وێلان دا (Wheelbase): ٣٢٥٠ ملم.
– بلندی ژ ئاستێ ئەردی (Ground Clearance): ٢٤٧ ملم (کو شیانەکا زۆر ددەتێ بۆ بڕینا ڕێکێن ئۆفرۆد و نەخۆش).
ئەڤ پیكئاپە بتنێ پشتبەستنێ ل سەر بزوێنەرەکێ ئاسایی ناکەت، بەلکو سیستەمەکێ هایبرید یێ پێشکەفتی (Parallel Hybrid) بۆ هاتییە دانان کو پێکدهێت ژ:
– بزوێنەرەکێ قەبارە ٢.٥ لیتری تۆربۆ دیزل.
– جووتە ماتۆرەکێ کارەبایی کو پالپشتیا بزوێنەرێ سەرەکی دکەن بۆ ب دەستڤەئینانا مەزنتری هێز د دەمێ ڕاکێشان و هەلگرتنا باری دا.
کهنگی دێ کەڤیتە بازاڕی؟
ل دووڤ زانیارییان، بڕیارە نیشاندانا فەرمی و جیهانی یا ڤێ پیكئاپا نوو د چارێکا چارێ یا ئەڤ سالە دا (٢٠٢٦) بهێتە ئەنجامدان، و پاشان هوویرکاریێن زێدەتر ل سەر نرخ و تەکنەلۆجیایێن وێ یێن ناڤخۆیی بهێنە ئەشکەراکرن.
