ل بن گڤاشتنێن جەماوەرێ خوە یانەیێن كوردستانی داخوازكرینە بۆ قەرەبوویا خالان و دوپاتكرنا سەركەفتنێ
ڕاپۆرت: قەیس وەیس»
چاڤەڕێ دهێتە كرن ئەڤرۆ، سوبەهی و شەمبییا بهێت دەست ب هەڤڕكیێن گەڕا 11ێ ژ خولا ستێرێن ئیراقێ یا فوتبۆلێ بهێنە كرن، یانەیێن دهۆك زاخۆ و هەولێر دێ بزاڤێن سەركەفتنێ و ئاشتكرنا جەماوەرێ خوە كەن و نەورۆز و غاز ئەلشیمال بۆ دوباتكرنا ب دەستڤە ئینانا سێ خالان.
دەلیڤەیا سەركەفتنێ بۆ دهۆكێ بەردەستە
تیما فوتبۆلا یانەیا دهۆكێ دێ سوبەهی ئەینی دەمژمێر 5:30 ئێڤاری ل یاریگەها خوە و دناڤ جەماوەرێ خوە یانەیا كەربەلا مێڤان كەت و درویشمێ ژبلی سەركەفتنی هیچ ئەنجامەكێ دی نەڤێت ژبۆ ڤەگەڕیان بەر ب سەركەفتنان پشتی د یارییا بۆری دا بەرانبەر ئەلجولان تووشی خوسارەتیان بووی، ئەلهۆیێن چیا ل ڕێزا نەهێ دهێت ب كۆمكرنا 12 خالان ژ دو سەركەفتن، شەش وەكهەڤی و دو خوسارەتیان، 14 گۆل هەنە و 13 گۆل ل سەر هاتینە تۆماركرن، ژلایێ خوەڤە یانەیا كەربەلا ب شەش خالان ل ڕێزا 20ێ و دووماهیێ دهێت.
ڕاهێنەرێ تیمێ: پشتگەرمین ب جەماوەرێ خوە
د پرێسكونفرانسێ رۆژنامەڤانی دا یێ ئیرانی یەحیا گۆلمحەمەد ڕاهێنەرێ تیما یانەیا دهۆكێ گۆت: ئەڤ یارییە بۆ مە یا گرنگە و پێدڤی ب سەركەفتنێ نە ژبۆ ڤەگەڕیانا باوەریێ و باشكرنا ڕێزبەندییا خوە د خولێ دا، گەشبینم دێ جەماوەرەكێ مەزن بەرهەڤبیت و ئەم پشتگەرمین، ڕاستە تیما مێڤان ل ڕێزبەندییا دووماهیێ یە لێ ڕامانا وێ ئەو نینە تیمەكا ب سانەهی یە، ئەو ژی دێ یاریێ كەت ژبۆ خوە قورتالكرنێ، مە بەرهەڤیێن باش وەكو هەر جار كرینە و هەموو یاریزان ڕژدن بۆ ڤەگەڕیاندنا سەركەفتنێ، ئەم ژ هەژی ڕێزبەندیێن باشین، پلانێن باش هەنە ب هیڤی نە دلێ جەماوەرێ خوە خۆشبكەین.
دێربییێ كوردستانی ئاگرینە
جەماوەری و پشتەڤانێن هەردو یانەیێن كوردستانی زاخۆ و هەولێر ب ژڤانن بۆ دێربیەكێ ئاگرین یێ كوردستانێ، دەمێ یانەیا زاخۆ ل یاریگەها خوە مێڤاندارییا یانەیا هەولێر ل دەمژمێر 5:30 ئێڤاری دكەت كو دهێتە هژمارتن ئێك ژ بهێزترین یاریێن ڤێ حەفتییێ، كوڕێن خابۆری ئەوێن دناڤا زنجیرەیا ئەنجامێن خراب پشتی سێ خوسارەتیێن لدووڤ ئێك د نوكە دا چوویە ڕێزا 15ێ ب كۆمكرنا نەهـ خالان ژ ڤەرێژا خالێن دو سەركەفتنان و سێ وەكهەڤییان، دبەرانبەر دا پێنج خوسارەتی هەنە، بتنێ حەفت گۆل كرینە لێ 14 گۆل ل سەر هاتینە تۆماركرن، یانەیا پایتەختێ كوردستانێ كەلهە و منارە 18 خال كۆمكرینە ل ڕێزا پێنجێ دهێت ژ پێنج سەركەفتن، سێ وەكهەڤی و دو خوسارەتیان، 13 كۆل تۆماركرینە و پێنج گۆل ل سەر هاتینە تۆماركرن.
تەلال ل بن گڤاشتنا پشتەڤانان یە
د پرێسكونفرانس دا یێ قەتەری تەلال ئەلبلۆشی ڕاهێنەرێ تیما یانەیا زاخۆ گۆت: تیما مە د دەمەكێ هەستیار دا دەرباز دكەت، پڕانییا یارییێن بۆری تیما مە گەلەك باشتر بوویە لێ گول نە هاتینە تۆماركرن، یارییا ئەڤرۆ گەلەك یا بزەحمەتە بەرانبەر تیمەكێ ڕێزێن پێشیێ، ئەم دێ دناڤ ئەرد و جەماوەرێ خوە دا كەین ئەوێن تووڕە ژ ئاست و ئەنجامێ تیمێ و ئەڤە مافێ وانایە، لەوما ژی دڤێت هەموو بزاڤان بكەین جەماوەرێ خوە دلخوەش بكەین و نەهێلین، یارییێن دێربییێ كوردستانێ تامەكا تایبەت هەیە بۆ جەماوەرێ هەردو یانەیان، ئەم پێدڤی ب سەركەفتنێ نە ژبۆ ڤەگەڕیان بۆ ناڤ ڕێزبەندییێ دا.
شرۆڤەكارەكێ وەرزشی بووچوونا خوە هەیە
لدۆر یاریێن ڤێ گەڕێ خەلەف كەریم شرۆڤەكارێ وەرزشی یێ خولا ستێرێن ئیراقێ بۆ ئەڤرۆ گۆت: یاریێن ڤێ گەڕێ دێ سەنگا چەند یانەیێن ڕێزێن پێشیبێ و ناڤەڕاست دیاركەت، ئەنجامێن چەند تیما دێ گوهۆڕینی ئێخیتە د بەلانسا وان دا، ژبەركو بهێزترین یاریێن ڤێ گەڕێ هەنە و هەرسێ یاریێن تەلەبە- جەوییە، زەورا شورتە و هەولێر و زاخۆ، دێ بەلانسا ڕێزبەندیێ گوهۆڕن، ژلایێ هونەری ڤە
نەورۆز چاڤ سەڕێ لیستێ یە
تیما چارێ یا كوردستانێ یانەیا نەورۆز ئەوا دێ ل شەمبییا بهێت ل یاریگەها خوە یا باژێرێ سلێمانییێ یانەیا دیالا ل دەمژمێر 5:30 ئێڤاری مێڤان كەت، تیما كوردستانێ د ڕەوشەكا نموونە دایە ئەوا 21 خال كۆمكرین ل ڕێزا دویێ پشت خودانا سەرێ لیستێ ژ شەش سەركەفتنان، سێ وەكهەڤی و ئێك خوسارەتی هەیە، یاریزانێن وێ 16 گۆل تۆماركرینە بتنێ چار گۆل ل سەر هاتینە تۆماركرن، ژلایێ خوەڤە یانەیا دیالا 12 خال كۆمكرینە ل ڕێزا 10ێ دهێت.
وەلی كەریم هوژداری دایە یاریزانێن خوە
د دیدارەكا رۆژنامەڤانی دا وەلی كەریم ڕاهێنەرێ تیما یانەیا نەورۆز هوژداری دا یاریزانێن خوە و گۆت: هەر یارییەكا ئەم ئەنجامداین ب سانەهی نینە و بۆ مە گرنگە، ڕاستە ئەنجامێن مە دلخوەشكەرن لێ پێشبینییا هەر ئەنجامەكی د هەر یارییەكێ دا بكەن، ئەم ل ڕێزا دویێ ڕامانا وێ ئەو نینە ئەم دێ پێشڤە چین یان جهێ خوە گرین، دڤێت یاریزان ئاگەهی ژ خوە هەبیت و هزرا 90 خولەكێن یاریێ بكە تبتنێ سەركەفتنێ بنیت و نە سەحكەتە ڕێزبەندیێ، تیما دیالا سوپرایز ل گەل گەلەك یانەیان هەیە دڤێت هوژداری دابین.
غازئەلشیمال سێ خال دڤێن
ژلایێ خوەڤە یانەیا پێنجی یا كوردستانی غاز ئەلشیمال یا كەركووكی دێ ل شەمبییا بهێت ل یاریگەها شەهید فرانسو حەریری ل هەولێرا پایتەخت مێڤاندارییا یانەیا نەفت میسان ل دەمژمێر دەهی شەڤێ مێڤان كەت، یانەیا كەركووكی 11 خال كۆمكرینە ل ڕێزا 12ێ دهێت ژ دو سەركەفتن، پێنج وەكهەڤی و سێ خوسارەتیان، ژلایێ خوەڤە نەفت میسان هەشت خال كۆمكرینە ل ڕێزا 19ێ و بەری دووماهیێ دهێت.
ژ یاریێن دی یێن گەڕا 11ێ بڤی شێوەیی
رۆژا پێنجشەمبی 22-10-2026
تەلەبە- جەوییە، یاریگەها ئەلمەدینە، ل دەمژمێر 7:45 شەڤ.
ئەلغراف- نەفت، یاریگەها ناسریە، ل دەمژمێر 10ی شەڤ.
یاریێن رۆژا ئەینی 23-10-2026
كەرخ- مووسل، یاریگەها شەرار حەیدەر، دەمژمێر 7:45 شەڤ.
زەورا- شورتە، یاریگەها زەورا، دەمژمێر 7:45 شەڤ.
ئەلجولان- كارەبا، یاریگەها ئەلجولان، دەمژمێر 10ی شەڤ.
یاریێن رۆژا شەمبی 24-10-2026
مینا- ئەلگەرمە، یاریگەها مینا، دەمژمیچر 7:45 شەڤ.
هەلوەستێ گشتی یێ ڕێزبەندییێ بەری دەستپێكرنا گەڕا 11ێ.
1- ئەلگەرمە 24 خال.
2- نەورۆز 21 خال.
3- نەفت 21 خال.
4- زەورا 18 خال.
5- هەولێر 18 خال.
6- شورتە 17 خال.
7- ئەلجولان 14 خال.
8- جەویە 12 خال.
9- دهۆك 12 خال.
10- دیالا 12 خال.
11- مینا 12 خال.
12- غاز ئەلشیمال 11 خال.
13- تەلەبە 11 خال.
14- مووسل 11 خال.
15- زاخۆ نەهـ خال.
16- ئەلغراف نەهـ خال.
17- ئەلكەرخ هەشت خال.
18- كارەبا هەشت خال.
19- نەفت میسان هەشت خال.
20- كەربەلا شەش خال.
