مرنێن بێ هەواری
قەهرەمان عەبدوللا بەرواری
پەڕ
وەکو پەڕێن بچویکێن سیڤاندۆکان..
دەستێن من.. ماچی گەردەنێن سیڤاندێن بلند دکرن
کۆرەمار د هەمی کونجاندا درازای بوون..
بەلێ خەلکێ ڤی باژاری پەڕێن چویچکان گرێدان و
تلێن من ب مشاری بڕین.
قایک
وەکو بەلەمەکا بچویک..
دەستێن من.. مەلەڤانی د ناڤ دەریایا
پرچا وێ یا تاریدا دکرن
بەلێ با و باهۆزا دەڤێن هار و دین
پەڕاسوی یێن بەلەمێ شکاندن و
گەهێن تلێن من ڤالنجی کرن.
گڕنژین
وەکو گڕنژینێن بچویکێن زارۆکان
چاڤێن من.. خۆ د کەمەرێن مڕیتۆ وەردکرن..
بەلێ گڕنژینێن وان.. پەیکەر بوون..
دبێ گیان و رەش..
وەکو رەشاتییا زکێن ماسییان خویا دکرن.
