مەزنترین پڕۆژەیێ بەرهەمئینانا شەكرێ ل دەڤەرداریا شێخان دێ هێتە دانـان
دهۆك، لەزگین جۆقی:
ڕێڤەبەرێ گشتی یێ وەبەرهێنانێ ل پارێزگەها دهۆكێ دیار كر، ئەڤ سالە چەندین پڕۆژەیێن نوو و ستراتیجی ل پارێزگەها دهۆكێ د وارێ وەبەرهێنانێ دا دێ هێنە چێكرن و دبێژیت: ئێك ژ وان پڕۆژەیان چێكرنا كارگەهەكا مەزن و ستراتیجی یا بەرهەمئینانا شەكرێ یە.
د. هەڤال سەدیق، ڕێڤەبەرێ گشتی یێ وەبەرهێنانێ ل پارێزگەها دهۆكێ بۆ ئەڤرۆ گۆت: « ئەڤ كارگەها بەرهەمئینانا شەكرێ ب گوژمێ 110 ملیۆن دۆلاران، ل ناوچەداریا قەسرۆكێ یا سەر ب دەڤەرداریا شێخانێ ڤە دێ هێتە دانان، دیسا ئەڤ پڕۆژەیە دێ 400 دەلیڤەیێن بۆ وەلاتیان دابین كەت، هەروەسا بەرهەمێ جۆتیارێن هەرێما كوردستانێ دێ وەرگریت بۆ بەرهەمئینانا شەكرێ».
