نەتانیاهۆ بەری دو ڕۆژان ب نهێنی سەرەدانا ئیماراتێ کریە
کەنال ١٢ یێ ئسرائیلێ د راپۆرتەکێ دا دیار کریە کو رۆژا ئێکشەمبیێ ٢٧ ڤێ مەهێ بنیامین نەتانیاهۆ سەرۆک وەزیرێن ئسرائیلێ ل گەل بەرپرسێ موسادێ سەرەدانا وەلاتێ ئیماراتێ کریە و ل گەل بەرپرسێن وی وەلاتی چەند دەمژمێران کۆمبوویە و پاشی ژی ڤەگەریە ڤە ئسرائیلێ.
هەمان کەنالی ئەو یەک ژی دیار کریە کو، د کۆمبوونێ دا بەحسێ ئالۆزیێن ل دەڤەرێ هاتیە کرن و هەروەسا بەحسێ ئێرشێن ئیرانێ ژی هاتیە کرن.
ل ئالیێ دی ئاژانسا رویترز یا نووچەیان ژی د راپۆرتەکێ دا ئاماژە ب ڤێ یەکێ کریە، بەرپرسەکێ وەزارەتا دەرڤە یا ئسرائیلێ ژی ئاماژە ب ڤێ یەکێ کریە کو نەتانیاهۆ سەرەدانا ئیماراتێ کریە و هەمان رۆژێ ژی ڤەگەریە ڤە ئسرائیلێ، لێ هەمان بەرپرسی ئاماژە ب ناڤەرۆکا هەڤدیتنان نەکریە.
