هندەك خەونێن ئێشانێ وەراندین
دلدار محەمەد
1
بێ بەرهەمییێ دێمێ تیرۆژكێن رۆژێ پۆسیدەكر ، هندی پێلێن گەرمێ درێژنە ئەردی، پتر تلخە لسەر دلان بەژنا خۆ د لەقینن
2
ل ئێكەم چركەیا سپێدێ سەرێ خۆ ژ ناڤ پێلێن تاریێ ئینایەدەر، چاڤێن وێ ب خەما سەر دێمێ من كەفتن، لاڤەیێن كورەبوونا خۆ خواستن و شتلێن پەشێمانیێ ل زەڤیا هاتنا خۆ چاندن .
3
خۆدانێ عەباكێ سپی، خۆ شەپرزە نەكە ب تیمارا برینێن من ڤە، ئەز ب خۆ برینەكم ب لەشێ ڤی وەلاتی ڤە و دەنگێ قێریێن من و ئاخێ ناگەهیت
4
دناڤ پێلێن وی دەنگێ نڕدا ئەڤرۆ من ئالایێ ئاشتییێ دیت
ببۆ پاتەكێ پاقژكرنێ ددەستێن كرێكارەكێ زوردارەكی مافێ وی خواری دا.
5
خیڤەتا دڕیایی یا ڤی ئاوارەیی، دەرونێ من یێ شەپرزە د ئینیتە بیرا من، یا وی ژ من جودادكەت هەمی هەست ب ئێشانا برینێن وی یێن پەریشانیێ دكەن.
6
ببۆرن ئەڤی یەعقوبی چ یوسف نینن یێ چاڤەرێ بیت، چاڤەرێییا خشتەیێ بەلاڤكرنا مۆچەیان ئەو سەروسەر یێ نقوم كریە د مۆبایلێ دا.
