ههكه مۆبايلا ئايفۆنا دچهميێت ئهڤ ساله كهفته بازارى ژى نهكڕه ژ بهر ئەڤان ئهگهران
تهكنۆلۆژيا:
یا ژ پشتڕاستیێ نێزیک کو کۆمپانیا ئهپل (Apple) د ئەڤ سالە دا تەلەفۆنەکا ئایفۆن یا د چهميێت ڕابگەهینیت. چەندین هەیڤە بەحث ل سەر ڤێ مژارێ دهێتە کرن، و هندەک زانیاریێن بالکێش و سەرنجڕاکێش هاتینە دزین، و ل دەڤ هندەک ژێدەران ل ولاتێ چینێ وسا دیارە کو (ئامێر) یێ د قۆناغا چێکرنێ دایە. دگەل هندێ ژی، مەرەما نووچەیێن ئەڤڕۆ ئەوە کو تە پشتڕاست بکەن دا کو تو نەکەڤیە د خەلەتیێ دا.
مارک گورمان گۆتارەک بەلاڤکریە کو تێدا گەلەک تشتان ل سەر پلانێن ئهپل بۆ سالێن 2026 و 2027 ئاشکەرا دکەت. ئەگەر تو یێ بێهنفەرەهـ بی، یا پڕانیا جاران ئەوە کۆ کۆمپانیا دێ تە خەلات کەت ئەگەر تو کێمەکێ ل هیڤیێ بمینی.
گورمان تیشک ئێخستیە سەر دو جۆرێن سەرەکی یێن بەرهەمێن کۆمپانیایێ: مايكێن سەر و گۆهـى و تەلەفۆنێن دەستی.
ئایپۆدز (AirPods) و تەکنەلۆژیا نوو
ل دەستپێکێ، وی دیار کر کو مايكێن AirPods یێن کو ب تەکنەلۆژیا ژیرییا دەستکرد (AI) و کامیرێن ناڤخۆیی ڤە گرێدای، د سالا 2026 دا ناهێنە ئێخستنە د بازارێ دا، بەلکو دێ د دەمێ چالاکیا ڕاگەیاندنا ئایفۆنێ دا د سالا 2027 دا هێنە دیارکرن. لەوما، پێنگاڤا ئێکێ یا ژیر ئەوە کو تو ئەڤ سالە مايكێن خۆ نوو نەکەی و کێمەکێ ل هیڤیێ بمینی.
ئایفۆنا د چهميێت (Foldable iPhone)
بۆچوونا دوێ ڕاستەوخۆ گرێدایە ب تەلەفۆنا ئایفۆن یا د چهميێت ڤە. گورمان سورپرايزهكا مەزن د ڤێ مژارێ دا تەقاند، دەمێ دیارکری کو ئهپل خۆ بەرهەڤ دکەت بۆ وەشاندنا کۆپیا دوێ ژ ڤێ تەلەفۆنێ د سالا بهێت دا، ئانکو د سالا 2027 دا. ب ڕستەکا دی: ئەگەر تە تەلەفۆنا د چهميێت د مەها سێپتەمبەرا ئەڤ سالە دا کڕی، دێ پێدڤی ب هندێ بی کو د سالا دویڤدا تو وێ بگوهۆڕی و نوو کەی.
دگەل ئەڤان ئاخافتنێن گورمای، دانوستاندنەکا بالکێش دەستپێدکەت: ئەرێ تو دێ ئایفۆنا د چهميێت د ئەڤ سالە دا کڕی، ئانکو دێ ل هیڤیا کۆپیا دوێ یا باشترکری مینی د سالا 2027 دا؟ دەمێ کو ئهپل خۆ بەرهەڤ دکەت بۆ ڕاگەیاندنا تەلەفۆنەکا د چهميێت ژ نفشێ ئێکێ یێ پێشکەفتی و بێ عەیب، مێژوویا ئەڤی جۆری مە چاک دئێخیتە د بیر دا کو بژاردا هەرە باش ئەوە مرۆڤ ل هیڤیێ بمینیت.
تەلەفۆنێن د چهميێت بەردەوام د گەشەکرنێ دانە و سال بۆ سالێ مە حەیران دکەن. کۆمپانیایێن وەک سامسۆنگ، ئۆپۆ، و مۆتۆرۆلا پێنگاڤێن مەزن د مۆدێلێن خۆ یێن نوو دا هاڤێشتینە، کو مۆدێلێن وان یێن بەری نوکە وسا دیار دکەن وەک بێژم ئامێرێن نەوەیێن پێشتر بن. رەنگە هەمان تشت ب سەر ئایفۆنا د چهميێت دا ژی بهێت.
مهرج نينه كو دانهيا ئێكێ گهلهك ئاريشه تێدا بن، بهلێ دبيت گەلەک باشترکرنان ڤەشێریت دا کو نەوەیێ دوێ یێ سڤکتر، تەنکتر، و ب ڕێکوپێکتر نیشان بدەت. لەوما، ئەگەر ئەم ئاخافتنا گورمای ب هەند وەربگرین، دێ بینین کو دەربازکرنا ڤێ کۆپیا ئێکێ یا ئایفۆنا د چهميێت دێ بژاردا هەرە باش بیت بۆ بودجە و کیستێ تە.
مژار تەنێ ب نەوەیێ دوێ یێ ئایفۆنا د چهميێت ڤە نائێتە بەستن، بەلکو ئهپل تەلەفۆنەکا تایبەت ژی بۆ بیرهاتنا ٢٠ سالیا ڕاگەهاندنا ئایفۆنێ د سالا 2027 دا بەرهەڤ دکەت، کو دێ ب شاشەکا چەمای ژ هەمی لایان و دێ ب دیزاینەکێ سەرسوڕهێنەر بیت. مانا تە ل هیڤیێ دێ دەلیڤەکا باش دەتە تە دا کو تو بژاردا خۆ د ناڤبەرا نەوەیێ دوێ یێ ئایفۆنا د چهميێت یان تەلەفۆنا ئایفۆن ئۆلترا (iPhone Ultra) دا بکەی، ئەوا کو دێ سەرنجا هەمی حەزژێکەرێن ئهپل ڕاکێشیت.
