هەکە شەش هەیڤان شەکرێ نەخۆی دێ چ پەیدابیت؟

ڤەکۆلین و تاقیکرنێن نوی دیارکرینە کو هێلانا وان خوارنێن شەکرێن دەستکرد تێدا، گۆڕانکاریێن بلەز د ئاستێ وزێ و ساخلەمیا گشتی یا مرۆڤی دا پەیدا دکەت.
​ل دویف نووچەیەکێ مالپەرێ “bbc”، پتریا خەلکی د دانێن خۆ دا گەلەک زێدەتر ژ وێ ڕێژەیا شەکرێ دخۆن ئەوا ژ لایێ رێکخراوێن جیهانی ڤە هاتیە دیارکرن، ئەڤ چەندە ژی دبیتە ئەگەرێ مەترسییا خراببوونا ددانان، نەخۆشیێن دلی و هەتا کێمبوونا شیانا ناسیاری و هزرکرنێ.
​د تاقیکرنەکا نوی دا کو شەش حەفتییان یا فەکێشای، دیار بوویە کو نەهێلانا شەکرا سپی، هنگڤین و شەربەتا فێقیان ژ بەرنامێ خوارنێ، دبیتە ئەگەرێ جێگیربوونا ئاستێ وزێ د درێژاهییا رۆژێ دا و نەمانا وی هەستێ بێهێزیێ یێ کو گەلەک جاران پشتی خوارنا نیڤرۆ پەیدا دبیت.
​بەلێ د هەمان دەم دا، کەس ل دەسپێکا هێلانێ رووبەرووی جورەکێ دلەراوکێ و گەریان ل دویف تاما شرین دبن، کو ئەڤە نیشانا ئالوودەبوونا مێشکی یە ب شەکرێ.
​ئێک ژ مەزنترین ئاستەنگان ل بەرامبەر وان کەسێن دخوازن شەکرێ کێم بکەن، هەبوونا رێژەکا زۆر یا شەکرێ یە د وان خوارنێن کو ب “خوارنێن سویر” دهێنە نیاسین.
​پشکنینا کەلوپەلێن ناڤ مارکێتان نیشان ددەت کو تەنانەت د ناڤ سەموون، سۆسا ماکەرۆنی، و خوارنێن ئامادەکری ژی دا رێژەکا بەرچاڤ یا شەکرێ یا تێدا هەی.
​بۆ نموونە، ئێک پارچا نانێ ئاسایی یێ مارکێتان نێزیکی ١.٢ گرامێن شەکرێ تێدانە.
​نۆشدار رێنماییان ددەن کو بۆ پاراستنا ساخلەمیێ، باشترە مرۆڤ پەنایێ ببەتە بەر شەکرێن سروشتی ئەوێن د ناڤ فێقی و کاربۆهێدراتێن ئالۆز دا هەین، چونکی لەش ب شێوەیەکێ ساخلەم دکەتە وزە.

کۆمێنتا تە