پیرس عهلی رێزا سێیێ د كۆپا رۆژئاڤا یا ئاسیایێ دا ب دەستڤە ئینا
کوڕێ باژێرێ دهۆکێ پیرس عەلی یاریزانێ یانهیا سلێمانیێ و ههلبژارتیێ ئیراقێ بۆ یارییا تێنسا ل سەر مێزێ لسهر ئاستێ پێشكهفتییان شیا ل گەل هەڤالێن خوە میدالییا زیڤی یا قارەمانییا رۆژئاڤا ئاسیا ب دەستڤە بنیت، پشتی ل ڕێزا سێیێ هاتین، د هەڤڕکیێن قارەمانیێ دا ئەوا ل وەلاتێ ئوردن هاتیە کرن.
پیرس عهلی شیا سێ سهركهفتنان ب دهستخۆڤه بینیت ب شێوەیێ تاک و جود، د یاریا ئێكێ دا بەرانبەر ههلبژارتیێ فلهستین ( 3- 0) گێمان، لسهر ههلبژارتیێ قهتهر (3 -2 ) گێمان، د یاریا چارێك دووماهیێ دا لسهر ههلبژارتیێ ئۆردن ب( 3- 1) گێمان، بڤان ئهنجامان كوڕێ باژێرێ دهۆكێ دگهل ههردو ههڤالێن خۆ ئهنوهر موئهیهد و محهمهد زیاد، پیرس عەلی د یاریا خۆ یا پێش دووماهیێ دا ب جووداهیا خالهكێ تووشی خوسارەتیێ بوو بەرانبەر ههلبژارتیێ بهحرێنێ ب( 2 – 3) گێمان و قارهمانی بجهـ هێلا.
لدۆر ڤێ یەکێ یاریزانێ ناڤهاتی بۆ ئەڤرۆ دیارکر ئەو گەلەک کەیفخوەشە شیایی میدالییا برۆنزی ب دەستڤە بینیت و گۆت: پێنەڤێت وەکو تاکە یاریزانێ پارێزگەهێ و کوردستانی بشێم ئەڤی ئەنجامی بینم ئەنجامەکێ ب سانەهی نەبوویە، بۆ قارەمانیێن داهاتی یێ باشتر خۆبەرهەڤکەم پێخەمەت میدالیین زێری.
ئەنجامێن دووماهیێ بڤی ڕهنگی بوون، ههلبژارتیێ بهحرێن لرێزا ئێكێ هات، ههلبژارتیێ ئوردن رێزا دویێ و یێ ئیراقێ رێزا سێیێ هات.
بۆ زانین د ههڤركێن ڤێ قارهمانیێ دا ههشت وهلات پشکداربوون و هاتبوونە بەلاڤکرن ل سەر دو کۆمان ئهوژی ئوردن مێڤاندارا قارهمانیێ، فلهستین، بهحرێن، قهتهر، ئیراق، كوێت ، سعوودیه و یهمهن.
