پێدڤیە كومسیۆن بەرهەڤیان بۆ ئەنجامدانا هەلبژارتنان بكەت

پێدڤیە كومسیۆن بەرهەڤیان بۆ ئەنجامدانا هەلبژارتنان بكەت

ئەندامەكێ پەرلەمانێ كوردستانێ دیار كر كو پشتی كاراكرنا كۆمسیۆنێ هەموو رێكارێن قانوونی ب دووماهی هاتینە و پێدڤیە كۆمسیۆن بەرهەڤیان بۆ ئەنجامدانا پرۆسا هەلبژارتنان ل هەرێما كوردستانێ بكەت.
وەیسی سەعید، پەرلەمانتارێ فراكسیۆنا پارتی ل پەرلەمانێ كوردستانێ دیار كر، كۆمسیۆنا سەربخوە یا هەلبژارتنان ژ لایێ پەرلەمانێ كوردستانێ‌ ڤە هاتیە كاراكرن و هەردو ئەندامێن نوو یێن جڤاتا كۆمیسیاران ژی ل هەمبەری جڤاتا دادوەریێ سویندا قانوونی خوارییە و بۆ ئاژانسا خانی گۆت: «هەموو رێكارێن كاراكرنا كۆمسیۆنا بلندا سەربخوە یا هەلبژارتن و راپرسیان ل هەرێما كوردستانێ‌ ب دووماهی هاتینە و نوكە كۆمسیۆنەكا كارا ژ لایێ قانوونیڤە ل هەرێما كوردستانێ هەیە».
ناڤهاتی گۆتژی: «ئەركێ كۆمسیۆنێ یە بەرهەڤیان بۆ ئەنجامدانا هەلبژارتنێن ئەڤ سالە بكەت، كو بڕیارە ل 18/11/2023ێ بهێنە كرن، چونكی مەرەم ژ كاراكرنا كۆمسیۆنێ ئەوە، كو بەرهەڤی بۆ هەلبژارتنان بهێنە كرن و نەهێنە پاشئێخستن، هەموو بزاڤەك دهێتە كرن بۆ ئەنجامدانا هەلبژارتنان، ب تایبەتی ژی پارتی دیمۆكراتی كوردستان یا رژدە ل سەر ئەنجامدانا هەلبژارتنان و چەندین پێشنیارێن لایەنێن سیاسی ژی قەبوولكرینە ب مەرەما ئەنجامدانا هەلبژارتنان».

کۆمێنتا تە