پێنج ئارێشە تووشی ژنان دبن
دەمێ ژنەک دگەهیتە عەمرێ 30 سالیێ و دایک بیت، ژبەر زارۆکان، کار، خێزانێ و گرنگیدان ب وان ڤە، هندەک جاران خۆ پشتگوھ دهاڤێژیت، کو ئەڤ چەندە ژی دشێت ببیتە ئەگەر کو ڕووبەڕووی هندەک کێشەیێن ساخلەمیێ ببیت، کو مرۆڤ دشێت زوو ڕێگریێ لێ بکەت.
ئەو کێشەیێن ساخلەمیێ یێن د ناڤ ژنێن سەر 30 سالیێ دا بەربەڵاڤ:
-1 غودە: کارتێکرنێ ل سەر مێتابۆلیزم و وزەیا لەشی دکەت، زڤرینا خوینێ نەهەڤسەنگ دکەت، کێشەیێن وەک زێدەبوونا کێشێ، وەستیان، وەرەیانا پرچێ، نەڕێکییا عادەیا هەیڤانە و هەستکرن ب سەرمایێ هەنە.
-2 کیسێن هێلکەدانێ: ئێک ژ کێشەیێن بەربەڵاڤە د ناڤ ژنان دا، نیشانێن وێ ژی پێکهاتینە ژ: نەڕێکییا عادەیا هەیڤانە، دەرکەفتنا موویان ل سەر دێمی و لەشی، پرسک و دوگیان نەبوون.
-3 نەخۆشیا شەکرێ: مەترسییا تووشبوونێ ل دویڤ عەمرێ 30 سالیێ و پێدا زێدەتر دبیت، ب تایبەتی ل دەف ئەوان ژنێن کێشا لەشێ وان زێدە بیت.
-4 بلندبوونا فشارا خوینێ: ب بکوژێ بێدەنگ دهێتە نیاسین، چونکی دشێت تووش ببی و هەست ب نیشانێن وێ نەکەی، مەترسییا تووشبوونێ ب نەخۆشیێن دلی، جەڵتە و جەڵتەیا مێشکی و نەخۆشیێن گولچیسکان زێدە دکەت.
-5 پێتێبوونا هەستیان: ل دویڤ عەمرێ 30 سالیێ ئەڤ کێشەیە زێدەتر بەربەڵاڤە د ناڤ ژنان دا، ئەگەرێ وێ ژی هندەک جاران دوگیانی و شیردانە، یان کێمبوونا کالسیۆم و ڤیتامین D یە.
