پەنکریاس ئەندامێ هەستیارێ لەشی و هۆشداریەک
د. لاوین شهاب دهۆكی، تایبهتمهندێ نهخۆشیێن كۆئهندامێ ههرسكرنێ دیاركر كو پهنكریاس ئێك ژ ئهندامێن گهلهك گرنگه و ب كارێ رێكخستنا ههرسكرنێ رادبیت وهك رێكحستنا پرۆتینا و دوهنیاتا.
ئاریشا ژ ههمیان مهزنتر ههودانا پهنكریاسی یا دژواره كو نهخۆش ههست ب ئێشانهكا بهێز ل سهرێ زكی دكهت و هندهك جارا ئێشان ددهته پشتێ و دبیت دبێ وی راببیت و نهخۆش دبێژیت ئێشان گهلهكا كویره و ددهته پشتا نهخۆشی.
بۆ دهستنیشانكرنێ ئهم نهخۆشی فرێدكهینه پشكنینا خوینێ، یان تیشكا میفراسی یان سونارێ.
وهستیانا پهنكریاسی ژبهر گهلهك ئهگهرا پهیدادبیت وهكو دوهنێ زێده د خوارنێ دا و خوارن و ڤهخوارنێن گهلهك شهكر تێدا.
دهربارهی ههودانا پهنكریاسی تشتێ ژ ههمیا پتر پێڤه گرێدای كحوله و دهربارهی پهنجهشێرا پهنكریاسی ئهگهرێ سهرهكی جگارهكێشانه، ههودانا دومدرێژ یا پهنكریاسی گهلهك یا نهخۆشه، چونكو نهخۆش دێ گهلهك كێشا خۆ ژدهست دهت و زكچوون دێ ههبیت و دێ گهلهك لاواز بیت.
دیاركر كو ئێك ژ هورمونێن گهلهك پێدڤی ژ پهنكریاسی دهێت و بهردهوامیا ههودانا دیسته ئهگهر رێژهكا مهزن یا پهنكریاسی بهێته ژ دهستدان و نهشێت شهكرێ رێك بێخیت و ئهو كهس دێ تووشی نهخۆشیا شهكرێ بیت و ئهو جورێ شهكرێ پێدڤی ب وهرگرتنا ئهنسولینی دبیت.
ههروهسا بهركێن زهراڤی ژی ئهگهرهكێ سهرهكی یێ ههودانا پهنكریاسی یه، چونكو كهنالێن زهراڤی و پهنكریاسی بهری بگههنه رووڤیكا دگههنه ئێك و بهرك فشارێ ل پهنكریاسی دكهن و دهرهاڤێژ دێ راوهستن و ههودان ژێ پهدادبن.
د.لاوین شهاب دهۆكی دیاركر كو ههكه ههودانا پهنكریاسی دومدرێژ بوو پهنكریاس ناڤهگهریتهڤه، لهورا ئهم نهخۆشان ئاگههداردكهین ههكه جارهكێ ههودانا پهنكریاسی بۆ پهیدابوو پێدڤیه مهی ڤهخوارنێ بهێلیت، چونكو ههكه دوباره بوو ئێدی پهنكریاس دێ گهلهك كارێن خۆ ژ دهست دهت.
ل دووماهیێ گۆت: پهنكریاس وهكو ههر ئهندامهكێ دی یێ لهشی “ دل و مێلاكێ و ..هتد”، پێدڤی ب شێوازهكێ ژیانا ساخلهمه، وهكو نڤستنهكا ساخلهم و خوارنهكا ساخلهم و حۆ دوورگرن ژ سترێسێ و كحولی نهڤهخۆی و جگارهكێشانێ نههێلی و وهرزش ههبیت داكو یێ ساخلهم بیت.
