چاوانیا پاقژکرنا تەلەفۆنا ئەندرۆید ژ ڤایرۆسان ب رەنگەکێ ساخلەم
سندس سالح سلێڤانەی:
تلەفونێن ئەندرۆید د ژیانا مە دا بووینە پشکەکا گرنگ، لەورا پاراستنا وان ژ ڤایرۆسان و بەرنامەیێن خراب گەلەک یا گرنگە. هندەک جاران تلەفونا تە ب لەز کار ناکەت، ل ڤێرێ پێدڤیە تو ب رەنگەکێ دروست و ساخلەم پێنگاڤان ب هاڤێژی و نەهێلی تەلەفونا تە تووشی کێشەیان ببیت.
پێنگاڤێن ژناڤبرنا ڤایرۆسان ب رەنگەکێ پاراستی
١- خۆ دوور بێخە ژ تێگەهشتنێن خەلەت:
گەلەک کەس ب لەز دچن بەرنامەیێن نەنیاس دئینن یان هندەک فایلێن سیستەمی ژ ناڤ دبەن ب هیڤیا هندێ ڤایرۆس ژێ بچیت، لێ ئەڤ چەندە دبیت ببیتە ئهگهرێ ژناڤچوونا داتایێن تە. ل شوونا وێ، پێدڤیە تو هێمن بی و ب رەنگەکێ رێکخستی کار بکەی.
٢- بەرنامەیێن گومانلێکری ژ ناڤ ببە:
ئەگەر تە دیت تەلەفونا تە پشتی دانلودكرنا بەرنامەیەکی کێشە لێ پەیدا بوو، بێ دودلی وێ بەرنامهی ژ تەلەفونا خوه دیلێت كه (Uninstall). چوونا بەشێ Settings > Apps دێ هاریکاریا تە کەت تو بشێی ب ساناهی وان بەرنامەیان دیار بکەی و ژێ ببەی. یان ژی یا بهربهلاڤ دهستێ خوه بدانیه سهر بهرنامهیی و Uninstall ههلبژێری.
٣- بکارئینانا بەرنامەیێن پاراستنێ یێن باوەرپێكری:
ب تنێ بکارئینانا بەرنامەیێن پاراستنێ یێن ب ناڤ و دەنگ (وەکی Google Play Protect یان ئەنتێڤایرۆسێن بهرنیاس) دشێن ڤایرۆسان دیار بکەن و ژ ناڤ ببەن. ئەڤ بەرنامە دشێن ب رەنگەکێ ئۆتۆماتیکی چاڤدێریا تەلەفونا تە بکەن و تووشی کێشەیان نەبی.
٤- پاقژکرنا Cache:
هندەک جاران ڤایرۆس ل ناڤ فایلێن دهمكی (Cache) یێن بەرنامەیان دا دمینن. د ژڤانێن خوه دا ههر سەر Settings > Storage و فایلێن کاتی پاقژ بکە، ئەڤ چەندە دێ بارێ سەر تەلەفونێ سڤک کەت و هاریکار بیت بۆ پاقژکرنا هندەک زیانێن لاواز.
٥- نووکرنا سیستەمی (Software Update):
کۆمپانیا ئەندرۆید بەردەوام نووکرنێن پاراستنێ بەلاڤ دکەت. هەر دەمێ نووکرنەک هات، بێ دودلی دانلود بكه، چونکو ئەڤ نووکرنە ئەو ڤالاهیێن ئەمنی دگرن یێن ڤایرۆس د رێیا وان دا دەنە د تلەفونا تە دا.
٦- رێیا دووماهیێ (Factory Reset):
ههكه هەموو رێیێن دی سەرکەفتی نەبوون، رێیا دووماهیێ و یا هەرە ب هێز «ڤهگهراندنا سهر بارێ بهرێ یێ كۆمپانیێ» (Factory Reset) یە. بەری ڤێ چەندێ، گەلەک یا گرنگە تو «Backup» یان کۆپیەکا پاراستی ژ داتایێن خوه (وێنە، پەیوەندی، فایلێن گرنگ) ل سەر کلاودێ یان کۆمپیوتەرەکێ دروست بکەی، چونکی ب ڤێ پێنگاڤێ دێ هەموو تشتێن ل سەر تەلەفونێ پاقژ بن و ڤەگەریت ب رەنگێ وێ یێ نوو.
