چه‌ند بژارده‌ ژ هه‌لبه‌ستا هۆله‌ندی Toon Hermans توون هێرمانس

چه‌ند بژارده‌ ژ هه‌لبه‌ستا هۆله‌ندی Toon Hermans توون هێرمانس

13

وه‌رگێران: نزار محمد سعید

ستران
رۆژه‌ك بێ ته‌
باغچه‌یه‌ك بێ گوله‌
رۆژه‌ك بێ ته‌
ب رۆژه‌كێ ناهێت هژمارتن
رۆژه‌ك بێ ته‌
رۆژه‌ك بێ رۆناهی یه‌
ژ له‌و ڕه‌ رۆژه‌ك وه‌ها بێ رودێمه‌
خانی ڤالا و ساره‌
گه‌ر ئه‌ز ده‌نگێ ته‌ نه‌بهیزم
ماسه‌ و سكه‌ملی و نڤین ژ خوه‌نه‌
دار دبێ چقن
ئه‌سمان چیدی نه‌یێ شینه‌
ئه‌ڤینا من؛
یه‌ك رۆژ بێ ته‌.

ئه‌ز یێ ل ناڤ باغچه‌ی
كو ئێكی ته‌له‌فون كر ژێره‌ ببێژه‌
نه‌ل ڤێرێ یه‌
ئه‌ز یێ ل ناڤ باغچه‌ی
ده‌ما كو ئه‌ز ل ناڤ باغچه‌ی بم، دگه‌ل كه‌سێ نا ئاخڤم
ژ به‌ركو ئه‌ز دگه‌ل باغچه‌ی دئاخڤم
و ئه‌ز ته‌نێ دكارم هه‌ر جاره‌كێ دگه‌ل یه‌كی باخڤم
نا، ئه‌ز دگه‌ل په‌رندان نائاخڤم
ئه‌ز نه‌ فره‌نسیسكوسم
ئه‌ز مێركه‌كێ ئاساییمه‌
یێ كو پڕ حه‌ز ژ باغچه‌ی دكه‌ت
ئه‌ز دخوازم ژی جاروبارا ڤێ ژ باغچه‌ی ڕه‌ بێژم
* فره‌نسیسكوس فان ئه‌سیسی: كه‌شیشه‌كێ ئیتالی ێ بناڤ و ده‌نگه‌، ل سالا ١٢٨١ ێ هاتیه‌ سه‌ر دنیایێ. زه‌لامه‌كێ ئایینی یێ ناڤدار بوو، ژ به‌ركو ب چاڤه‌كێ پیرۆز سه‌ح دكره‌ روه‌ك و جانه‌وه‌را. سه‌را بیرو رایێت خۆ یێت جودا هاته‌ زیندان كرن. ل سالا ١٩٢٩ێ رۆژا به‌ردانا وی ژ زیندانێ كو دكه‌ڤیته‌ ٤ ی هه‌یڤا ئوكتوبه‌رێ، ل ئه‌ورۆپا و هه‌می جیهانێ كرنه‌ رۆژا جانه‌وه‌را.

سۆپاس و رێز

مێرگا من هه‌یه‌ لێ پیاسێ بكم
هین كولیلك ل ناڤ ماینه‌
دره‌نگییا شه‌ڤێ ستێركێن من هه‌نه‌
و گه‌هـ گه‌هـ هه‌یڤ هلابه‌*
ته‌خته‌ك من هه‌یه‌
خوارن د لالیكا من ده‌ هه‌یه‌
من تو یا هه‌ی
و ئه‌ز دكارم بێژم ئه‌ڤینا من،
كێماسیه‌ك مه‌ تونه‌یه‌
*هلابه‌: كاملانا وێ یه‌.
خه‌ونا پێچه‌كێ ب فرینێ ڤه‌ ببینه‌

نابیت دژیانا خوه‌ هه‌میێ ده‌

لنگێن ته‌ ل عه‌ردی بن

پیچه‌كێ خه‌ونا ببینه‌

پیچه‌كێ ل عه‌سمانا ب فره‌

ب دیتنا من نه‌كاره‌كێ نه‌ته‌ندروسته‌.
لا ماما*

باغچه‌ سپی یه‌ و گیا
خه‌مگین خۆیا دكه‌
لێ یا سور و ده‌وله‌مه‌ند دجامێ ده‌یه‌
قه‌رقه‌فا* كه‌ڤنا بێهن خوه‌ش
بێ ته‌ قه‌رقه‌ف
هارمونیا ره‌نگێ خوه‌ هندا دكه‌
قه‌هوه‌ ژی بێ ره‌نگه‌
بێ ته‌ … دایێ
* لا ماما: ب زمانی ئیتالی ئانكو دایێ. ناڤنیشانێ سترانه‌كا ئیتالی یا ناڤداره‌ لسه‌ر دایێ، ل سالا ١٩٦٤ ێ ژ سه‌ده‌یا بوری دركه‌تیه‌. ستران هاتیه‌ وه‌رگێران و ب گه‌له‌ك زامان هاتیه‌ سترین. هوزانڤانی ژی وه‌كو سترانبێژ پڕ ژێ حه‌ز كریه‌ و گۆتیه‌.
* قه‌رقه‌ف: ناڤێ شه‌رابێ یه‌. دهوزانه‌كا جزیری دا هاتیه‌ دبێژیت:
ساقی كو دێ مه‌هوش بتن
كاكل ژ شێڤا ره‌ش بتن
قه‌رقه‌ف بلا ئاته‌ش بتن
ئه‌م دێ ب وێ كن علاج.

کۆمێنتا تە