چیایێ بلند
سەربەست بۆتی
ئەڤ چیایە چەند هەژی و خۆراگرن
ژینن ژبۆ مە، ژبۆ دوژمنێ مە ئاگرن
بکەن پەرتووک ژبیرەوەریا داگرن
راستیا ژسەربۆرێن دەستکەفتا وەرگرن
چیایێ بلند ل هنداڤا گوندا و ب داروبار
بۆ مە پشتی ژیادا مشتی تو بووی هەوار
لتە نەگەرم ناڤەگەڕم توی شینوار
چەند شرینی عەشق و ڤینی سەبر و هەدار
ئەو چەپەرێ خوینا شەهیدا لێ رشتی
گولەکا سۆر یا لێ شین بووی و گەهشتی
سەرفەرازن دناڤ دلسۆزادا بگشتی
خەم بوون تژی لەو ژكۆڤانا دلێ مشتی
سرت و باسکا لسەر ناوسکا و جهێن بەرز
دیمەنێن خۆش مام مەندەهۆش رێڤینگ بووم ئەز
ئاڤێن تەزی لهنداف رەزی و ژێهەل دهات پەز
جهێ شێرا یێن خۆش مێرا ژێدکەم حەز
رێک و رێبار چۆل و بەیار تەڤ دیارن
ژباب و کالا ژهەڤالا را یادگارن
لات و گەلی و کەڤرێن حولی و زنارن
شکەفت و هەشار خەم و فشار و ئاسارن
شەنگ و شۆخی جوان و ب کوخی بڤی سروشتی
گەلی یێن کویر بەتەن و زویر وەک بەهشتی
باسدکەین بکورتی یێ هەلگرتی بار و پشتی
بیر و باوەر بەرگری دکر تو نەهشتی
روژێن گران بەفر و باران سەرما و زستان
یێن تۆمار کرین ل بەژنا تە داستان
لدوژمنی لاتێن تە کرینە گۆڕستان
هەتا ئەڤ دەستکەفتە هاتین بۆ کوردستان
