چەند یانەیێن ئۆرۆپایێ داخوازا كوڕێ باژێرێ دهۆكێ دكەن
كوڕێ باژێرێ دهۆكێ و ڕەڤەندا كورد ل ئۆرۆپا زانیار نەشوان كۆچەر یاریزانێ یانەیا ئۆربرۆ یا سوید و هەلبژارتیێ ئیراقێ ل سەر ئاستێ لاوان ژلایێ چەند یانەیەكێن ئۆرۆپایێ دخوازن گرێبەستێ دگەل ئیمزابكەن.
زانیار یاریزانێ یانەیا ئۆربرۆ یا سویدی یە د خولا پلا سێیێ دا یاریێ دكەت و كوڕێ باژێرێ دهۆكێ و ڕەڤەندا كوردە ل وەلاتێ سویدە، ژبەر شیانێن وی یێن نایاب و ئاستێ بەرچاڤ ژلایێ چاڤدێرێن تایبەت یێن چەند یانەیێن ل سوید، پۆرتۆگال و ئسپانیا دخوازن كرییە گرێبەستێن یانەیێن وان ئیمزابكەت.
لدۆر ڤێ یەكێ نەشوان كۆچەر بابێ یاریزانێ ناڤهاتی بۆ ئەڤرۆ گۆت: ژبەركو ئەم كوڕێن باژێرێ دهۆكێ نە، من و كوڕێ خوە گەلەك حەز دكر یاریێ بۆ یانەیا دهۆكێ بكەت ژبەركو یانەیا باژێرێ مە و من باوەری ب شیانێن كوڕێ خوە هەیە، ل دەستپێكا مەها بۆری من ئینابوو كوردستانێ ب پشتەڤانییا ئێك ژ ئەندامێن كارگێریێ ڕێك بۆ هاتە ڤەكرن بچیتە د ناڤ ڕێزێن تیمێ دا، لێ د ماوەیێ ڕاهێنانان دا هیچ خولەكەكی ژی ڕێك ب زانیاری نە هاتە دان یاریێ بكەت دا ئاست و شیانێن وی بهێتە دیتن.
هەروەسان نەشۆانی گۆت: ژبەركو ئاستێ زانیارێ گەلەك یێ باشە و شیانێن بەهرەمەند هەنە، چەند یانە هەبووینە داخوازا گرێبەستێ ل گەل كریە لێ ژبەركو گرێدایی ب یانەیا خوەڤەیە نەشیایە ب چیتە چو یانەیێن بتنێ هەكە شكەستنا گرێبەستا خوە نەكربا، لێ بۆ یانەیا دهۆكێ ژبەر حەز وڤیانا وی دشیا وێ بەندێ ژی بجهبینت و بهێتە دهۆكێ، لێ هەكە چو ڕێكەفتن چێنەبوون دێ دۆڤچوونا گرێبەستێن دی كەت.
