کادیلاک هزر ل بکارئینانا تەکنەلۆژیایا چینی بۆ ترومبێلێن خوه یێن بهێن دکەت
کۆمپانیا «جنێرال مۆتۆرز» یا ئەمریکی هزر ل وێ چەندێ دکەت کو بۆ نەڤیێ بهێت یێ ترۆمبێلا کارەبایی «کادیلاک ئۆپتیک»، مفای ژ پلاتفۆرمەکا ئەندازیاری وەربگریت کو ل وەلاتێ چینێ هاتییە گەشەپێدان. ئەڤ پلاتفۆرمە کو ب «شیاو یاو» دهێتە ناسین، ژ لایێ سەنتەرێ تەکنیکی یێ جنێرال مۆتۆرز ل شەنگهای و ب هەڤکاری د گەل کۆمپانیا «سایک» یا چینی هاتییە دروستکرن.
پلاتفۆرمێ شیاو یاو تایبەتمەندییێن پێشکەفتی یێن هەین کو نوکە د پلاتفۆرمێن ئەمریکی یێن جنێرال مۆتۆرز دا نینن، ژ وان ژی سیستەمێ کارەبایی یێ ٩٠٠ ڤۆلتی و شیانا بارگاویکرنا بلەز. ئەڤ پلاتفۆرمە بەری نوکە د ترۆمبێلا «بوییک ئیلێکترا E7» دا هاتییە بکارئینان و ئەنجامێن باش د بازارێ چینێ دا بدەستڤە ئیناینە.
سەرەرای وێ چەندێ کو جنێرال مۆتۆرزا ئەمریکی راگەهاندیێە کو ئەڤ پلاتفۆرمە چینییە بۆ بازارێ ئەمریکا ناهێتە بکارئینان، لێ ئەڤ پێنگاڤە پشکەکە ژ گوهۆڕینەکا مەزن د پیشەسازییا ترۆمبێلان دا ل جیهانێ. کۆمپانیایێن وەک فۆلکسڤاگن، رێنۆ و هیوندای نوکە پتر پشتا خۆ ب تیمێن ئەندازیاری یێن چینێ گەرم دکەن بۆ بلەزکرنا قۆناغێن داهێنان و گەشەپێدانا تەکنەلۆژیایا ترۆمبێلێن کارەبایی.
