گوهۆڕین د سەر خول و قارەمانیێن وەرزێ نوو دا هاتن
شاهۆ فەرید:
د داخویانیەکێ دا ئەندامێ فدراسیۆنا باسکێت بۆلا ئیراقێ بۆ رۆژنامەیا ئەڤرۆ دیار کر بڕیار هاتیە دان د نێزیکترین دەم دا دەست ب چالاکیێن خوە یێن خول و قارەمانییان بکەین و کۆمبوون دگەل ئەوان یانەیێن پشکدار د خولا پیشەکاران کرینە.
زێدەتر د. عەلی محەمەد کو هەڤدەم دا کوڕێ باژێرێ زاخۆیە گۆت: ب فەرمی ئەم گەهشتینە ڕێکەڤتنێ دگەل هەر ١٢ یانەیێن پشکدار د خولا پیشەکاران دا دوبارە دەست ب خولێ بۆ وەرزێ ئەڤ سالە بهێتە کرن پشتی ڤەقەتیانەکا درێژ، لێ بۆ وەرزێ نوو خول دێ ب شێوەیەکێ جودا بیت ژبەرکو کورتیا دەمی و گوهۆڕینانێن پاشەرۆژێ هەروەسان بۆ وەرزێ بهێت باشتر بەرهەڤی بهێنە کرن کو پێنگاڤێن باشتر دڕێکێ دانە ل سەر هەموو ئاستان و رژدین کو سەنگا خولێ ڤەگەریت.
ئەندامێ فدراسیونێ گۆت: ل ئەینییا بۆری کۆمبوون ل گەل نوونەرێن هەر١٢ یانەیان هاتە ئەنجامدان، بڕیارهاتەدان خول ب شێوەیێ دو کۆ بهێتە کرن، هەر یانەیەك دێ یاریێن خوە ب شێوەیێ هاتن وچوون ئەنجامدەت، پشتی یانە دەربازی قووناغا هەشتێ دبن مافێ هەی یاریزانەکێ پێشەکار زێدەبکەن، هەروەسا بۆ گەهشتن بەر ب چار گۆشەیا زێرین دێ یاریەکا ڤەبری هێتە ئەنجامدان، ژلایەکێ دوویڤە هەر دناڤا کومبوونێ بڕیارا لسەر کوپا چەلەنگینیێ هاتە دان و دێ یاریی دناڤبەرا ئێکەم و دوەمێن وەرزێ بوری هێتەکرن.
هەوەسا ناڤهاتی دیارکر ژی: گەنگەشە لسەر لیستەیێن قارەمانیا هاتنەکرن ل گەل یانەیان، ئامەژی ویێ چەندێ هاتەدان کۆ چ رێک دێ هێنە ئەنجامدان، دوویڤ دا کومبوونەکا تایبەت هاتەکرن لسەر کار و چالاکیا و رێڤەبرنا کاری، لسەر شێوازێ پێشکەفتنا کارگێری بەرزراگرتنا کاران، چەندین پێشهاتەیێن گرنگ هاتنە پێشکێشکرن بۆ هێز ئێخستنا پەیوەندین کاری دناڤبەرا لژنەیان بۆ دەمێن بهێن، پێکڤەگرێدانەک پەیدابیت ل گەل پلانێن فدراسیۆنی و دووبارە رێکخستنا کاری و بەردەوامیا کارگێری.
