5 ئامیرێن کارەبێ نابیت ب شەڤێ ل سەر کارەبێ بهێلن!
سندس سالح سلێڤانەی:
د ژیانا مە یا رۆژانە دا ئەڤرۆ، تەکنەلۆجیا بویە پشکەکا گرنگ لێ هندەک جاران ئەڤە دبیته ئاریشێن مەزن بۆ سەر مالێن مە، ب تایبەتی دەمێ ئەم د خەو دا. ل گۆرەی ڤەکۆلینێن نوو، ئەڤ ٥ ئامێرە نابیت تو بهێلی شەڤێ کار بکەن، چونکی دبنە ئاریشا ئاگربەربونێ یان گەرمبوونا زێدە:
-1 سۆپێن کارەبێ (هیتەر): ئەڤ ئامێرە گەلەک کارەبێ دکێشن. هندەک جۆرێن وان دگەهیتە ١٥٠٠ وات، ئەڤە ژی دبیته ئاریشە هندێ کو تێلێن کارەبێ گەرم ببن و ئاگر بەربیتێ هەر تشتەکێ نێزیکی وان بیت، دێ بێهێز کەت و دبیتە ئاریشەکا مەزن ئاگرڤەبوونەکا مەزن.
-2 دوشەکێن کارەبێ: ئەڤە گەلەک یا گرنگە، چونکی ژوورا خەوێ جهەکێ مەترسیدارە خەلەتییا مە ئەوە ئەم دهێلین هەمی شەڤێ کار بکەن. دڤێت تو تنێ ل دەستپێکێ بکار بینی بۆ گەرمکرنا تەختان،بەتانیێن کەڤن ژی مەترسیا ڤەقەتینا تێلێن ناڤخۆ هەنە، دبیته ئەگەرێ سۆتنا لەشێ مرۆڤی بێ کو هەست پێ بکەت.
-3 شاحنێن مۆبایلێ یێن قەلپ (Copy): گەلەک کەس بێی وێ چەندێ هزرا وێ بکەن، شاحنێن بازاران یێن کێم کوالیتی ل سەر کارەبێ دهێلن. ئەڤ شاحنە دبنە ئاریشا پەقینێ گەلەک حالەت ل جیهانێ هاتینە دیتن کو شاحنێن کەڤن یان یێن نە رەسەن بویە سووتنا مالان.
-4 پاور بانک (Power Bank): ئەڤ ئامێرە ب پاتریێن لیتیۆم کار دکەن. ئەگەر شەڤێ ل سەر کارەبێ بمینن، دبیتە ئەگەرێ گەرمبوونا زێدە و دبیته ئەگەرێ تەقینێ. تەکنەلۆجیا نووی یا شاحنکرنێ زوو دگەهیتە ئاستێ پێدڤی، لەورا چ پێدڤی ناکەت شەڤێ ل سەر کارەبێ بمینیت.
-5 ئامێرێن چێشتخانێ: وەک مەنقەلێن هوایی (Air Fryer) یان توستکەران. ئەڤ ئامێرە بۆ دەمەکێ کێم هاتینە دروستکرن. گەلەک جاران ئەم ژ بیر دکەین وان ڤەکەین. ماسەکێ کارەبێ یان بلندبوونا کارەبێ ل شەڤێ، دێ بیتە ئەگەرێ ئاگرەکێ بێ دەنگ ل ناڤ چێشتخانێ.
