دەنگێ عەماری وێ شێت دکەت
ئەڤرۆ:
پێشکێشکارا بەرنامێ ئەرەب ئایدۆل راگەھاند کو دناڤ ھەموو پشکدارێن بەرنامێ ناڤبری دا ئەو گەلەک ب دەنگێ عەمار کۆفی یا داخبارە و گۆت: ھندەک جاران دەنگێ وی من شێت دکەت.
ئەنابێلا ھیلال کو بەری نوکە شاھجوانا وەلاتێ لوبنانێ بوویە و نوکە ل گەل میدیاکارێ مسری ئەحمەد فەھمی بەرنامێ ناڤبری ل سەر شاشا mbc پێشکێشدکەت، دیدارەکێ دا بۆ رادیۆیا ( المستقبل) یا لوبنانی دیارکر کو بەرنامێ ئەڤ سالە تام و چێژەکا تایبەت ھەیە، ھەروەسا گۆت: ب شێوەکی گشتی ئەز داخبارا دەنگێن ھەموو پشکدارا مە، لێ ئەز عاجز بووم دەمێ پشکدارێن کچ زوو دناڤا بەرنامەی دا دەرکەفتین، ئانکو بەرنامە بجە ھێلاین،
ل دۆر عەمار کۆفی کو تاکە گەنجێ کوردە پشکداری د وی بەرنامەی دا کری گۆت: پتر ژ ھەموو پشکدارێن دی ئەز حەزژ دەنگێ وی دکەم و ھندەک جاران دگەھیتە وی رادەی کو دەنگێ وی من دین دکەت.
