فراكسيۆنا پارتى ل پەرلەمانێ كوردستانێ لدۆر مووچێ یەکەيا پاسەوانان روهنکرنەکێ ددەت

ئەڤرۆ نیوز ، تۆڤی :

فراکسیۆنا پارتی ل پەرلەمانێ کوردستانێ روهنکرنەک ‌ ده‌رباره‌ی موچێ یه‌که‌یا پاسه‌وانان بەلاڤکریە و تێدا هاتیە،ب ‌خۆشحالی ڤە پشتی کو‌ حوکمه‌ت شیای پێداچوونێ د‌ مووچێ فه‌رمانبه‌ران دا بکەت و سیسته‌مەکێ نوو یێ مووچه‌ی راگه‌هاندی،تا راده‌کێ باش بزاڤ هاتیە کرن،کو رێژه‌یا پاشکەفتی کێم بکەت و مووچەی‌ بلند بکەت،به‌لێ چه‌ند رۆژن‌ نەرا‌زیبوونەکا ره‌وا،ژ لایێ به‌رێزان ل یه‌که‌یا پاسه‌وانان هه‌بوو،کو مووچێ ئه‌وان نەهاتبوو ده‌ستکاری ‌کرن،ئەم ژ فراکسیۆنا پارتی ب‌ هووری و جددی ل‌ گه‌ل به‌رێزان ژ وه‌زارەتا نافخۆ و دارایی و یه‌که‌یا پاسه‌وانان ل ‌سه‌ر خه‌ت بووین بۆ ڤێ مه‌به‌ستێ،ب خۆش حالی ڤە نوکە ژ ‌لایێ به‌رێز وه‌زیرێ نافخۆ هاتینە دلنیاکرن،کو مووچێ یه‌که‌یا پاسه‌وانان ژی لدووڤ سیسته‌مێ نوو یێ مووچەی دێ هێتە ده‌ستکاری کرن،لەوما ئەم وه‌ک فراکسیۆنا پارتی هەوە دلنیا د‌که‌ین‌،کو هەموو گاڤا دێ پشتەڤانێ داخوازیێن هەوە یێن ره‌وا و هەموو فه‌مانبه‌رێن کوردستانێ ‌بین.
فراکسیۆنا پارتی دیموکراتی کوردستان

کۆمێنتا تە