ئه‌زهه‌رێ داخوازا ژێبرنا ئایه‌ته‌كا قورئانێ شه‌رمزار كر
ئه‌ڤرۆ نیوز:
زانكۆیا ئه‌زهه‌را مسری داخوازا هنده‌ك كه‌سایه‌تیێن فره‌نسا بۆ ژێبرنا ئایه‌ته‌كا قورئانا پیرۆز شه‌رمزار كر و ره‌ت كر.
هه‌ژماره‌كا كه‌سایه‌تیێن فره‌نسی ژ وان ژی نیكۆلاس سه‌ركۆزی سه‌رۆكێ به‌رێ یێ فره‌نسا و سه‌رۆكوه‌زیرێن به‌رێ مانوێل ڤالز د نامه‌یه‌كا هه‌ڤپشك دا خواستبوو ئایه‌ته‌كا قورئانێ ل دۆر “كوشتن و سزادانا جوهی و كریستیان و بێباوه‌ران” بهێته ژێبرن، د به‌رسڤێ دا زانكۆیا ئه‌زهه‌ر ئه‌و یه‌ك شه‌رمزار كر و راگه‌هاند: قورئان گازیێ بۆ كوشتنێ ناكه‌ت به‌لكو گازیێ بۆ به‌رگریكرنێ ژ خوه دكه‌ت ل دژی كه‌سێن دوژمنكاریێ دكه‌ن.
ئه‌زهه‌رێ دیار كر ژی، چ ئایه‌ت د قورئانێ دا نینه كو داخوازا كوشتنا چ كه‌سه‌كی بكه‌ت گه‌ر وی كه‌سی تاوانه‌كا وه‌سا نه‌كربیت كو ژ هه‌ژی كوشتنێ بیت، وه‌ك كوشتنا ب مه‌به‌ست و راكرنا چه‌كی، ئیسلام به‌رپرس نینه ژ خه‌له‌ت تێگه‌هشتنا ئایه‌تان ژ ئالیێ هنده‌كان ڤه.
